توي كنت أقرى موضوع عن إبرة الظهر وقريت من الردود أن الحرمه خاصة فأول ولاده لها ما تعرف تسوي بوش فيفضل إنها ما تستخدم إبرة الظهر ومن الردود طلع سؤال يديد
كيف نسوي بوش وقت الولاده !!!
حريمات أمهات … الولاده عالأبواب
علمونا
شو نسوي .. وشو ما نسوي
؟؟؟
ياااااااااارب سهل ولادتنا ياااااااااارب
ويزاكم الله خير
والله لو بقره وما تعرف وقت البوش بتعرف
كانج تبين تتعصرين تسوين شي من جدام ورحه بيطلع مع مساعده الدكتوره
بس لا تنسين تاخذين نفس و يعني شهيق وزفير فهمتي
انا جي ساعدني على الربى اسرع وكتمي الويع لين الولاده لان اذا اجهتي نفسج ما بتعرفين تكملين في قرفت الولاده
شو قصدج يعني ويا سالفة البقر
ههههههههههههه
أنا من الحين أدرب عالشهيق والزفير أحس أنه بيخفف عني الويع وأذكر أختي تقول أن الشهيق والزفير يفتح الرحم ويساعد عالولاده بسهوله
هيه صدقج لو تميت أصارخ وأزاعج بتعب وما بيكون فيني شده للولاده
يزاج الله خير حبوووووووبه ومبرووك ما ياج
أنــآ كنت أحآتي وآآآيد وطـلع مـآشي أسهل عن البوش لوؤؤؤؤل
مـآ عليج انتي بنفــسج بتحسين انج تبين تزفرين .!
يوم بتـييج التقلصــآت ازفري بكل قوتج
بس لآ تـآخذين شهيـــق علشـآن رآٍس البيبي مـآ يرجع ،
وربي يسهـل عليج الغاليه .!
سبحان الله
(( يوم بتـييج التقلصــآت ازفري بكل قوتج
بس لآ تـآخذين شهيـــق علشـآن رآٍس البيبي مـآ يرجع ،))
معلومه يديده يزاج الله خييييير يالغاليه
آمييييين
^^
وحــآولي فديتج ترقدين على يمبج وقت مــآييج الطلق
ترآ وآآآيد يسـآعد على فتح الرحــم .!
واممممم لآ تنسين ذكر الله أحسن لج من الزعيج فديتج .،
انـآ كنت كل مــآ أحس بالتقلصـآت أنسى العوآآر وأيلــس أستغفر ^^
طبعآ هذي من تجربـــتي قبل شهر ( وهذي أول ولآدهـ ) ..
حبيت أفيــدج فيهـآ .!
ان شــآء الله تقومين بالسلامة وتبشرينــآ بالنونو
يوم بتسوين بوش لازم حد يمسك راسج من وراء
وينزله على تحت علشان يكون ذقنج عند صدرج وبعدها تسوين بوش عدل ويكون الضغط كله تحت وأنتي قاعده وماسكه ريولج
لان في بعض البنات مسكينات يزحرن أو يسون بوش وهن راسهن على وراء ويكون البوش مالهن مثل إلي وحده
رايحه الحمام عزكم الله هب من تحت .
ومثل ما قالت أختي أم خالد تحملي من الزعيق .. يفقد طاقتج كلها وفي فصول الأمومه علمونا أنا نتحرك ما نتم على السرير ويوم أيي الويع
لازم الشريك أو إلي بيحضر معاج الولاده يسويلج مساج علشان يشتت الألم وعند الألم إلي هو الطلق أنسوي شهيق وزفير مع المساج .