صباح الخير
اشحالكم…..ان شاءالله بخير…..
ماعرف من وين أبتدي فالكلام وياكن…
شوفن يابنات وياحريم…أنا حاليا في الشهر التاسع…ومثل ماتعرفن هالشهر الي ماتقدر الحرمه أنها ترقد فيه وهي مرتاحه…يعني أنا من دخلت التاسع خف رقادي وايد…مووووول ماروم أرقد…من أنتبه فليل أتم واعيه ويالله يالله أرد أرقد…
بداية حملي كنت مدمنة رقاد…أرقد رقاد اليهد خخخخ
المهم دخلت الشهر الخامس وبدأت معاناتي…يعني رقادي خف..ف قمت آخذ بندول نايت قبل مارقد..حبتين عشان ايني ارقاااد وتميت اخذ منه الا من فتره مودرتنه…المهم سمعت انه البندول له اخطار على الجنين…وانا والله اكتب لكم سالفتي وقلبي يعورني…اخااااف يستوي شي على البيبي واحس بذنب طول عمري…بنات منوه عندها معلومات عن بندول نايت والحمل…ابا ولدي يكون بخير ومافيه شي
طمنوني الله يطمنكم دنيا وآخره ترى والله من البارحه وانا ظاربتني غصه..مليون فكره اتي على بالي..اقول لا سمح الله لو تشوه…لو صارت اعاقه فيه …والله مابسامح نفسي موووول…دخيلكم طمنوني
تعوذي من الشيطان اللي يوسوس لج..
الله الشافي والمعافي ان شاء الله ما على البيبي شر
وتعب الحمل لازم تتحملينه
المشاركة الأصلية كتبت بواسطة مجنونة ريلها 
ياربي….شوه اسوي الحين….والله بصيح من الزياااااغ….والله روعتيني….احس بعمري بتخبل…
الوساوس مب زينه .. ادعي ان الجنين يكون بخير في كل صلاة وان شاء الله مافيه الا العافيه ..