مسحت اليوم عند حرمه وقالتلي

انا معرسه من سنه وما يبت عيال لحد الحين
رحت عند حرمه اليوم ومسحت عندها سوتلي نفس الحجامه وعطتني تحاميل وقالتلي لازم اكمل مسح عندها 3 ايام وراء بعض المشكله هيه انه باجر بسيرلها الا وراء باجر ما اقدر اسيرلها لانه ريلي بيداوم سؤالي هو ايكفن جلستين ولا لازم 3 جلسات قالتلي انه فيج تكيس والرحم مجلب عندج خوفتني
الحين شوه اسوي ما اقدر اسيرلها 3 ايام وراء بعض حد منكن جرب من اول مسحه استفاد

احيدهم مـا يعرفون إذا الوحده عندهـا تكيس أو ضعف فالمبايض أو ……… !!!!!!!!!

أنـا يتنـي وحده الشهر إلي طااف و قالتـلـي إن عندي الرحم نازل ..
و قالتلي لازم امسحـج 4 أيام ورا بعـض ..
و فاليوم الثالث قالتلي خـلاص رجـع مكانـه مـا يحتاج أمسحج باجر ..

سيريلهـا اليوم الثاني و إسأليهـأ .. و إذا قالت لازم اتينهـا روحيلها اليوم إلي بعـده ,,

ولا تلعبين الرياضات العنيفـه ولا تشلين شي ثجيل

الله يرزقنا جميعا بالذريه الصالحه

هلا حبيبتي

شكلها نفس الحرمه اللي سرتلها …

وعلى فكره انا تميت سنه و7 شهور ما حملت
وسرتلها لما كملت سنه وشهرين اظن … وما فيه اي نتيجه….
ونفس الكلام اللي قالت لج اياه قالت لياه …. وبعد 3 ايام ولا مره رحتلها… وعلى فكره الناس يرووحلها كل شهر …. لين تحمل ….

المهم انا ما اذم في الحرمه … لا والله … بس انا اقول ان الحمل من رب العالمين .. وانا موقنه 100% ان المسح اللي سويته مش السبب … وكنت انا متوكله على الله سبحانه … وحملت بدون اي مساعدات من اي حد او اي شي ( كنت رايحه لان عمتي قالت لي روحيلها …
واذا ما ترومين تسيريلها اليوم ال3 …. حطي التحميله اليوم ال2 الظهر وروحيلها الفليل … بس انتي كلميها اول اذا اوكي او لا …….

والله يرزقج الغاليه

ربي يرزقكن خواتي ، انا بنية بعدني ما عرست بس اللي اعرفه انه في حريم كان ميؤوس من حالاتهن و سون حجامه و تم الحمل بحمد الله و عندهن احينه كتاكيت بس يا اختي نصيحة ان بغيتي تحملين لا زم تدعين هالدعاء قبل الجماع :"اللهم جنبنا الشيطان و جنب الشيطان ما رزقتنا" صدقيني يالغلا اخلصي النية و لا تفكرين وايد بهالشي و ان شاء الله بتحملين و بعدين سنة مب وايد فيه غيرج بالخمس و العشر سنين

موفقة و ربي يرزقج حبوبة

الله كريم ان شاء الله الله يرزقنا يالذريه الصالحه من غير هالخرابيط
انزين التحاميل الاعشاب تعرفن حق شوه هذيلا ايخوزن التكيس

الله يشفيج يااااااااااااارب ويرزقج ويرزقني والجميع