خواتيه اليوم بنتي كملت شهرين.. وسرت اطعمها .. ويوم فحصتها الدكتووره قالت في قلبها صووت خفيفه (مب دقات القلب .. تقصد شى فتحه صغيره .. وهالفتحه تكون في كل ياهل .. وتختفي بروحها .. وقالت عادي شى طبيعي .. اذا شى فيها كنا بنحولج الطواري على طول.. بس نحن مابحولها ولا شياته وبنعطيها تطعيمها مال شهرين ..)
وقالت اذا البيبي فيه شى مستشفى الكورنيش ما بظهرج بسرعه…
دخيييلكم طمنووووووووني … في وحده قالولها نفس هالشى وخلاف قالوا راح الصووت
بس اذا الدكتورة قالت هذا الشي طبيعي فلا تخافين ماعليها شر ان شاءالله
والسموحة
ومثل ما قالت لج الدكتورة بروحها اختفت..
وأختي كانت بالحيل خايفة على بنتها لكن الحمد لله..
المهم التغذية الصحية والرضاعة الطبيعية أهم شي..
ومتى اختفى انزين .؟؟ وكيف اعرف .؟
ان شاءالله مايكون فيها شى
انا كان فيني يوم اني صغيرة
واكبر عن بنوتج بعد
يمكن كان عمري سنتين تقريبا
ووحده نصحت امي بالعسل الاصلي
ينعطى ويا ماي فاتر على الريق
واعتقد ان هاي سنة
لاني قريت مره عنها في النت
وعقب 6 شهور يوم سارت امي تفحصني قالولها بنتج ما فيها الا العافيه (طبعا انا)
وعقبال بنتج يارب