خواتي انا من يومين تعبانه عندي(( قيء))(( وأكرمكن الله)) ((وإسهال )) ومالي شهيه اكل ابد مع اني الحينه داخله بالشهر السابع …
واحس بتقلصات بعض الاحيان فامس رحت للمستشفي الحمريه بالطوارىء …
دخلت قسم نساء وولاده الي في الطواريء…
طبعا اناا من منطقه من مناطق الشارجه …
ودرب دبي الكل يعرفه زحمه …
المهم يوم وصلت هناك استقبلتني وحده من الممرضات من جنسيه عربيه <<مارتحت لها ابد …تقولي ليش مارحتي عياده خاصه …<<قلتلها اناا يايه هنيه لدبي مومابغي عياااده خاصه …اونه الاخت تفكر بالدرب الطويل مع انه والله مكان فيه احد عنهم …
المهم الدكتوره ماكانت موجوده راحت تصلي وانتظرتها وعقب يت ممرضه هنديه سوتلي الضغط والحراره <<والله انه الممرضات الهندياات وايد طيباات تعاملي معاهم عرفت الشيء هذا …
المهم كشفت علي الدكتوره غاده << وااايد ارتاح لهاا الدكتوره هذي…
ويوم خلصت من عندها …
يلست علشان تكتبلي الوصفه واطلع من المستشفي …تطلعلي هذي الممرضه الي من جنسيه عربيه وتقول …هالمره هذي والله لا تين الطواريء الا في حاله الظروره ..
اذا تبين روحي منطقج الي فيها مستشفي وتعالجي عندهم <<تخيلو حد يقولكم جذيه …والله قلقتهاا اختي اناا ما ارتاح الا هنيه يعني ماهمني منطقتي ولا المستشفي الي فهيا واناا ادري وين تكون راحتي …قالت ليش الاطباء هناك من دارسين مب متعلمين <<انزين شو يخصهاا والله اني ما عطيتها سالفه مافيني فيني الضغط ولا ابغي اكبرها وهي قصيره ما عطيتها سالفه
…سكت عنهاا …ويم يت بطلع …وقفت عند البابا دق لريلي ..الا واسمعهاا تتكلم من وراي شو هذي يعني جايه بس علشان ترتاح …<<والله من سمعتها رحت لها علي طول …اقولها مب حرام عليج تتكلمين جذيه ..اي قانون هذا يعني اناا بنت البلاد اتعالج وين ما ابغي من انتي يالوافده تقولين لي سيري ..والله اعصابي مره توترت تقول لا علشان اوفر عليج الدرب قلتلها بتصبين بترول انتي …
الواحد لو شيء بسيط يعوره يي الطواري ..وهذي تقول لا تين ليش يايه لمستشفي ابوهاا …
والله اني عصب عليهاا …تخيلوو لو فيه ممرضه وافده تقولكم جذيه …
عنبوو اناا بكثر ما يت للمستشفي الحمريه ولا ممرضه هنديه قالت لي جديه علشان هذي الوافده تقول …
قلتلها مب يايه علشااانج يايه علشان الدكتوره ….
والله خواتي اني وايد تضايجت …هذا وانتي بنت البلاد يقولون جذيه ..عيل الوافده كيف يتعاملون وياهاا ..
من قهري وربي كنت بكلم المدير ابغي اشوف القانون هذاا …
ولا قوانون بس مألفتنه هي …
ماعرفت وين اسير او من اكلم …<<<مقهور والله …
اعذرني علي الاطاله بس فيني قهر من امس ….
يتحرون البلاد بلادهم ..
بوقفها عند حدها وبسحبها للمدير عشان تتعلم الأدب وبعدين
هي تشتغل في مستشفى بلادنا المفروض نحن نسمعها
هالرمسه صج دنيا مادري شو تتحرى عمرها لو منج علمتها
شغل الله عنبو دارها جي هي إختي ولا أمي تحاتي عليه الدرب
أنا أبي يصير فيني شي وأروح الطوارئ واشوف هاي الممرضه
قسم بالله العظيم بشرشحها ><
والله ما عرفتي تردين عليها عدل
والله لو مكانج لكنت شرشحتها وما خليت فيها
للعلم انا مرة ترقدت في المستشفى في حملي الاولاني
وجان اسمع الممرضة تتحرطم ليش اني طلعت ريلي الغرفة بدون مواعيد الزيارة
وللعلم الممرضة اجنبية
وانا للاسف ما كنت اعرف مواعيد الزيارة لانه كان اول حمل وكنت غشيمة
المهم شو سويت فيها يلست افاتن عليها وازاعق من قهري
الين ما يت عندي تعتذر
ولا شو عبالهم احنا اغبياء وما نفهم
حبيبتي هالاشكال ما تيي الا بالعين الحمرا
وللاسف انتي ما عطيتيها من الكلام القوي
ولا والله كانت اعتذرت منج وهي تصيح
المشاركة الأصلية كتبت بواسطة الوزيرة 
يتحرون البلاد بلادهم ..
صادقه وربي
شاكره لج مرورج
المشاركة الأصلية كتبت بواسطة salamh مشكوره اختي ….
لكن احس انهم وايد مسيطرين …ويشوفون عمارهم وايد بعد …