مرحبا … شحالكن ياحلوات
هل انتي حامــل ؟
تغير جسمج ؟!
سمني وااايد ؟ تبين تسمنين ؟
بشرتج باهته ؟ ظهرت تشققات بجسمج ؟
فقدتي رشاقتج ؟ نفسيتج تعبت ؟
جدامج مسؤولية بيبي يديد , عيال , بيت . ريل " اكبر هم " , مطبخ … ؟؟
هالقسم يعاني من قلة هالمواضيع مالقيت ولا موضوع يتكلم عن النفاس
مع انها اهم فتره فحياة الحامل . ماشي جداول نمشي عليها !!
… (الهدف من الموضـــــــوع ) …
– لنستفيد جميعا من خبرات بعضنا البعض ونتشاور بالي نقدر عليه حول المواضيع العلاجية والتجميلية في فترة النفاس ومابعد النفاس
– لتحسين النفسية الي صارت دمار شامل باذن الله ، والقضاء على الكآبة من جذورها ورفع معنويات بعضنا البعض في هذه الفترة ..
.._(محاور الموضــــــــــــــــوع)_..
– فترة النفاس
1- الجانب النفسي – العلاجي
2- الجانب الجسدي – العلاجي :
1- الاكل الصحي
2- الاعتناء بالمنطقه الـ والخيوط .. والتضييق
3- شد البطن وعودة الرحم للشكل الطبيعي وتنظيفه
-الاستعداد لفترة مابعد النفاس
1- الجانب التجميلي ( من بشره , وشعر ,,, يعني ينو لوووك 
.._(مخـــــــــــــــــــرج)_..
أرجو من الجميع المشاركة والادلاء بدلوهن وتجاربهن وعدم الاكتفاء بكلمات الشكر والثناء على الموضوع
مع ملاحظة ان هذا الموضوع سوف يكون موضوع شخصي بحت من قرائاتي ( ام يديده ) وتجارب العضوات الشخصية غير منقوله ,,,
– مع تحياتي .،،
M!ss Pink
:: يرجى تثبيت الموضوع ::
:: اتمنــــــى منكم دعـــوة طيبه بظهر الغيب ::
اخليكم نع هالنصايح : واتريا تعليقكم
نصايح مهمة اثناء النفاس للام وللطفل:
– لا تمشين حافية القدمين على البلاط ، البسي شراب على طول او سليبرز
– لا تخلين مروحة الحمام (الشفاط) مفتوح وقت ماتكوني في الحمام
– لا تجلسي على الموية والملح الخشن والمرة اتقنعي به احسن كغسوول عشان مايسبب لكم حساسية في المنطقة
– رضعي طبيعي عشان جسمك يرجع زي قبل وعشان الطفلة تكبر ويصير عندها مناعة
– البسي بنطلون ولمي جسمك من تحت عشان مايدخلك هواء ، ولاتتعرضي للمكيف مباشرة ولا تطلعي بالحوش (ساحة البيت)
– المكيف لا ترفعينه مرة لان الجو الان يوهق لا هو برد ولا صيف فيضرك ويضر الطفلة
– ابطحي بنتك على بطنها اذا طاح سرها خصوصا لما تكون نايمة في النهار وانتي عندها عشان ترتاح وتحس انها ملمومة
– لاترضعي صناعي لانك اذا رضعتيها صناعي مراح تمسك صدرك<–عندي تحفظ على هذي النصيحة لان صدري مايدر حليب كثير فاخاف بنتي ماتشبع فاسوي لها رضعة صناعية بين وقت ووقت
اشربي عصيرات وسوايل كثير وكولي طحينة يقولون انها تدر الحليب وتكثره
– لا تعطين بنتك المصاصة (اللهاية) عشان ماتتعود عليها <–برضو هنا عندي تحفظ لاني الاحظ كل الاطفال الي مايستخدمون لهايات وهما صغار يتعذبو امهاتهم في عادة مص الاصبع
– استخدمي ماء غريب للطفل اذا صار معاه مغص يسهل البطن ويخفف المغص باذن الله لكن انا استخدمه بكميات قليلة جدا لان بنوتي صغيرة توها
– عطيها مريسة كل يوم عشان تكبر ويشب عظمها (المريسة= تمرة منقوعة بالموية لمدة معينة وبعدين ناخذ الموية ونحطها بالرضاعة ونشربها البيبي)
– اعداء النفاس حاجتين : 1- الجوع 2- البرد
لا تجوعي نفسك ابد وكثري من الاكل المفيد عشان يتقوى جسمك ويعوض الدم الي فقده والحديد وعشان الخيوط تبرا بسرعة وعشان الرحم يرجع لوضعه الطبيعي باذن الله
لا تلبسي خفيف واتدفي خاصة باليلل مع المكيف لانه خطر البرد والهواء على النفاس
ممنــــــــــــــــــــــوع شرب الماء البارد حاولي قد ماتقدرين
– الهمي رشاد عشان ينظف رواسب الرحم.
– لاتجلسي متربعة على الارض عشان التضووييق
ممنــــــــــــــوع او تجنبي هالاشياء:
الجوع الشديد(يعني رجيم يوقف) او التخمة الزائدة
الأكلات اللزجة مثل الملوخية, الباميا,البصل الاخضر,القرع,الشمام ,البطيخ
الحوامض خاصه الليمون, لاباس بأكل برتقاله في اليوم ولكن بعد الشبع ( لاتكن حامضه )
الأيسكريم,الجوامد بشكل عام
تعريض القدمين للماء او المشي حافية على البلاط البارد او الأستحمام بكثرة
او اخذ دش مهبلي ويجب المحافظة على النظافة اليومية
المشروبات الغازية
حمل الأشياء الثقيلة او سحبها وهذا لايمنع الحركه والعمل بل على العكس اعملى الأشياء السهله وتحركي لكن لاتجهدي نفسك فوق طاقتها
العنب الحامض والرمان والكيوي والاناناس والمنجا
ممنوع الرياضه العنيفه اثناء النفاس او الدوره
* لاتشربي الماي على جوع ولاتكثري منه ولاتقللي واشربي بالمعقول لكن على شبع ولاتشربي الماي البارد.. لان كثرة شرب الماء تكبر البطن وتسبب خراب للارحام
* من الممكن اكل المشمش والعنب والكرز والخوخ لكن على شبع
* تجنبي العطور خصوصا الريحان والمسك واكليل الجبل والتبخر بالمعمول لانه يسبب الشمم
شو رايــــــــــــكم حشى ماخلو لنا شي نسويه << احس عمري بموووت هههه
اتريا تعليقكم ,,, وشو تسون بهالفتره ؟
من الصبح : الريوق والغداء والعشاء << شو تدخلون فيها
وشو الاعشاب الي تنصحون فيها ؟؟
والغسول ؟؟ وكـــــــــل شي ؟؟
بس أبا أستفسر شو يعني "الشمم" ؟؟
((التبخر بالمعمول لانه يسبب الشمم))
وبعد النفاس واذا راحت لليلة الكبيرة جت تصييييييييييح
وش اسوي زوجي ماعجبته
انصح كل وحدة انها تهتم هي فترة صعبة بس والله تعدي
واللي يبقى ولايعدي ولا يتعدل اللي بعد جي
فرجاااااااااااء ياخواتي اهتموا بانفسكــم
اولا : الجانب النفسي …
سمــاع القران + الاذكـــــــــــار << تحسين براحه تااامه
ثانيا : الجانب الجسدي …
اكييييييييد كل وحده تتبع نظام امها … خخخ وكل وحده وطريقتها << ياليت تقولون لنا
عندي كم عشبه عرفة فايدتها تستخدمونها انتم ولا مالها داعي؟؟
الحلب ( الحلبه) << تأخذ الحلبه فال10 او ال20 اليوم الاولى وبس لان كثرها يسمن ويرخي الرحم ويطلع ريحه
الماش << يقولون يرمم العظام وزين انج تطحينيه وترشينه فوق صحنج عالغذا
قشرالرمان المطحون << المضاف للعصير او المعمول كشاي تستخدمينه
بعد ماتنشفين من الدم لحد ماتطلعين.. ينظف الرحم
والرشاد << شو هو ؟؟ وليش مع التمر ينأكل ولازم اخر 20 يوم مب من البدايه
فلفل اسود , العسل , الحبه السوده , والقرفه والمسمار والزنجبيل … الخ
:: النظافه الشخصيه ::
قريت كذا طريقه وقولن لي شو الطريقه المناسبه :
الطرق التاليه منقوله ..
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
عندي سؤال ع هالنقطه : شو هو المره ؟ الصبر !! وين اقدر احصله اذا عندكم فكره عنه ؟ ويكف انقعه بماء ولا ؟؟ << ياليت الطريقه للي تستخدمه
***التشطف بماء وملح يوميا بدون المبالغه بكمية الملح
<< اي ملح ؟! العادي مال الاكل ولا الخشن ولا الفارسي؟؟ << الي عندها خبره تقووولي
وهذا وصفه ثانيه :
للخيوط :
ستخدم غسول الملح الخشن والمرة من اول يوم لين مدة 10 ايام بعدين بديت استخدم الارطا المنقوعة كغسول (ويقال انها تفيد للتضويق ايضا)
** الارطا هذي عشبة شكلها زي العيدان لونها بني اتوقع تغلين موية وتنقعينها لين الصبح وبعدين تنتظرينها تبرد وتستخدميها غسول للخيوط والمنطقة بشكل عام
تلقينها عند العطارين
ايضا استخدم مرة+ زيت الزيتون وادهنها على الفوطة (اولويز) والبسها تبرد على المنطقة مرة وباذن الله مفيدة للخيوط
وهذي وصفة ثالثه :
الغسول التالي لمنطقة المهبل وهو:
( ارطا يكسر+ يطبخ مع ماء + ملح فارسي ) تلاحظين لونه يتحول الى الاحمر لاتخافي عادي
ثم صفيه وضعيه في جركل وتوضئي منه يومياً
* الغسول طوال الاربعين مرتين باليوم او مره افضل
* فائدة الاورطا انه يشد المنطقه ويمنع تعفنها
شو الي تفضلين استخدامه فهالفتره ؟؟ خبرينا ؟
وعن موضوع الاستحمام قريت وحده تقول >>
الافضل عدم غسل الراس الا بعد اسبوع واذا غسلتي شعرك اغسليه بالمغسله وليس تحت الدش او البانيو ..
يعني اغسليه بدون الجسم وغطيه جيدا حتى لايدخل هواء للاذن ويصيبك ( خوا الراس ) وهذا يسبب خراب شديد للارحام مع صداع شديد ومستمر للراس
* لاتتنقعي في بانيو لان الماء يدخل الارحام ويفسدها واستحمي مره بالاسبوع بشكل سريع
:: طريقة لعودة الرحم لوضعه الطبيعي ::
بعد الولادة ولمدة سبع ايام..
يمرخ البطن بزيت السمسم او اللوز (الساخن) ويكون اتجاه المرخ من اسفل البطن الى اعلى وليس العكس
وتمرخ الاوراك ، من اعلى الى اسفل وليس العكس وذلك في الصباح يوميا ولمدة عشر دقائق
أو .. رأي ثاني …
– لشد البطن :
استخدم المشد الاندونسي يوميا ولكن بعد ان اكمل 20 يوم في النفاس لاني حاليا استخدم مشد طبي
استخدم بقايا القهوة المطبوخة كمقشر طبيعي لكافة الجسم مع التركيز على الكرش والارداف يوميا قبل وضع المشد ومع كل استحمام
<< ايهما افضل المشد الاندونسي ولا الطبي؟؟
فالحلقــة القادمه …
محاولات لاعادة ترميم الجسم ، ومارطرط منه :
1- تمارين مابعد الولادة
2- تمارين كيجل
3- التخفيف من مظاهر السيلبوليت والتشققات في الجلد
4- خلطات لتبييض الجسم وتوحيد اللون
5-خلطات تجميلة متنوعة للجسم وللشعر
والكثير الكثير ……..
اذا لقيت تشجيع منكم
لافندر << هلا حبوبه يااااااااارب يرزقج بالذريه الصالحه عاجلا غير اجل
وحبوبه الشمم مصطلح سعودي ماعرف شو يعني ؟!! هالنصايح منقوله