انا الحمدلله ربيت بالسلامة من 15 يوم ويبت بنوووتة وهذا اول بنية لي الله يحفظها والله يسهل على جميع الحوامل…..وصراحة ابااا اصحاب الخبرة يساعدوني في تنظيم وقتي وشو اسوي ..لأني أحس نفسي مب منظمة ومشتتة وأحس بالضيق ..ابا احد ينصحني شو أسوي في الرضاعة وكيف اقدر ازيد في الحليب ……وبنتي واااايد تبكي قالولي يمكن تشتكي من الغازات …..وشو اسوي مع التشققات والبطن ……وكيف اقدر اسلي نفسي عشان اتخلص من الضيق اعرف اسألتي وااايد بس ماعرف اخذ النصايح من منووووو….. وأعرف اخواتي في المدونة ماراحوا يقصرون كالعادة
أتريااا نصايحكم
الضيج هو اكتئاب ما بعد الولاده و ان شاء الله بيرووح عنج شوي شوي
عن الحليب اشربي ماااااي وايد
و عن الغازات فوري حق بنتج ينسون و سنوت من كل واحد 1 ملعقه صغيره في 1 ملي من الرضاعه
و حليه بالسكر النبات و ان شاء الله بتخف
انا كنت اعطي بنتي الصبح و المسااا عشان اريحها من عذاب الغازات
والله يسهل عليييييييييج اختي
ومبروك ماياج والله يحفظ لج هالبنوتة يارب
انتي شكلج ترضعين طبيعي اول شي لازم تحاسبين على اكلج الخيار والجزر بعدي عنه
والبطاط المقلي واي شي فيه دهون والفلفل كله تأذي البيبي ولا تشربين سوائل باردة خير شر
حتى الماي يكون حرارة الغرفة بس لاتكثرين ماي اشربي اشياء دافية حليب دافي او من نفسه
اكلي حلوى رهش ((حلوى الطحينية)) النخلة لو ملقة لأنها تزيد الحليب
عيوش انا ماكنت اكل والذرة لا تاكلينة على طول الياهل يحوشه مغص منه والخيار والبطاط
بالنسبة للغازات اللي تحوش البنت
شربيها ينسون مفور مع الماي ولما يبرد شربيها بالملعقة وعندج ماي غريب يريح الياهل
ودوم دهني بطنها بزيت زيتون أو اي زيت أطفال ساعات المغص من البرودة
ولفي بطنها بقطعة ثانية غير لفة القماط فوقها
والتشققات ماعندي لها حل صراحة لأن المفروض بداية الحمل كنتي تستخدمين كريم التمدد اللي يمنع التشققات
والله يحفظلج بنتج وتشوفينها أحلى عروس
وثاني شيء عن التشققات كنت اسوي كريمات بس طلعلي…..والكرشة كيف اتخلص منها
وشكراااا لجميييع الأخوات جزاكم الله الف خير يارب