اشحالكم خواتي ؟
حبيت أعرض لكم مشكلتي عسى ألقى منكم اللي يطمني ويريح بالي
أنا حامل من 8 أسابيع سرت أتطمن على وضع جنيني صدمتني الدكتورة
بأنه مافي نبض وأن حجمه صغير بالنسبة للكيس المحيط فيه واتقول أن عمره
6 أسابيع فما أدري حسبتي كانت غلط أو في شي ف الموضوع ما يطمن !!
ف النهاية قالت مريني بعد أسبوع عسى أن النبض يكون بدأ وإذا ماشي نبض
قالت لازم أنزله ، للعلم أنا استخدم مثبتات صارلي شهر بالضبط ونفس الدكتورة
وصفته لي بسبب الإفرازات البنية ..
طلعت من العيادة منهارة بس ما أقول غير الحمدلله على كل حال واللي فيه الخير
الله يكتبه لي إن شاء الله ..
أفيدوني خواتي الله يجزيكم كل خير ..
ولا تنسوني من دعائكم ..
أختكم ::: الحلوة أنا
أختي سيري عند دكتورة ثانية …
أنا صارلي نفس الشي .. و قالتلي يمكن انتي مخربطة وارجعيلي بعد اسبوع .. ظهرنا من العيادة لعيادة ثانية وثالثة و كلهم نفس الكلام .
حالتي النفسية صااارت ززززززفت .. و في اليوم الثالث نزلي دم .. و قلت خلني اتريا يمكن شي عادي
و بعد نص ساعة ياني نزيف ووداني ريلي المستشفى ..
و صبرتني وحدة عيوز … و قالتلي :: مالج نصيب فيه و إن شاء الله يكونلكم شفيع .. و اكيد في خيرة ……..
و ما كملت ساعة إلا وياني الطلق .. سبحان الله اشد من الطلق في الولادة الطبيعية .. و حسيت كانه
ما يبا يفارقني ….
الله يجمعني باللي كان في بطني يااااااارب ,, و الحمد لله الله عوضني بولدي و اختهم اللي يايه في الطريق 
حبوبة يمكن اكون غثيتج .. و اكيد صدمتج
بس نصيحة كوني مستعده لكل اللي بيصير ,, و ارضي بقضاء ربج سواء كان حملج سليم أو لااااا
و إن شاء الله تكون ظنونهم في غير محلهااااا .. و تقومين بالسلامة : )
طمنينااا عليج