بصراحه بعد ما قريت مشاركات البنات هنا
و بعد ما تصفحت النت و المدونة و خذت خبره
عن اعراض الحمل قلت ايي اخذ بشوركن قبل لا استعيل …
أنا أخر دوره يتني كانت 23 / 7 و انا بالعاده دورتي منتظمه
يعني 23 يوم و اوقات اتجدم يومين او تاخر يومين ثلاث …
بشهر 8 مايتني الدوره بس ب 20 و 21 الشهر
صار لي الم فضيع اسفل بطني حسيت انه بمنطقة المبايض
و بنفس الوقت كان صدري يعورني مووت ماكنت اتحمل البس
شي عليه … انا توقعت ان الدوره بتنزل بس مانزلي غير شي خفيف
باول يوم لونه بني فاااتح و باليوم اللي بعده نفس الشي و بعدها
صرت عاديه ، و مانزلت لي دوره طبيعيه لليوم … و لا احس باعراضها و لا شي ؟؟
الحين ابا شوركن انا ناويه اروح للعياده بعد اسبوع العيد
ففرضا لو كان عندي خربطه هرمونات لواهملتها هل ممكن تاثر علي
بالعلم انا ما عندي خربطه بالهرمونات و الحمدالله كلها طبيعيه …
بالنسبه للحمل .. انا ماقدر اسوي فحص حاليا لاني مابا ريلي
يعرف لو عرف بيحز بخاطره لو ما طلعت حامل … و بترجع له حاله الكآبه
شو أسوي أروح العياده الحين و اللا عادي أخليها لبعد العيد ؟؟
و40 يووم وااايد اذا مب حاامل سيري العيااده احسن ,,,,
وان شااء الله حااااااااااااااااااااااااااامل ياارب العالمين …
حاولت و الله اشتريه بس ريلي ما يخليني بروحي
تعلثت بالجمعيه و اغراض البيت و قالي انا بوديج
قلت له عادي بروح مع اختي قالي انا فاضي ..
ووصلني و نزل معاي لطلعت ما خلاني بروحي
و ان شاء الله ربي يسمع منج
تسلمين الغاليه
واذا ماقدرتي…سيري العياده احسن…واذا سالج ليش قوليله تعبانه او اي شي…
وان شاءالله تطلعين حامل…لانها اعراااض حمل^^
مشكوره الغاليه
و ان شاء الله ياااارب اذا ما طلع حمل ما يطلع شي يضرني …
بحاول ان شاء الله
و الله يسمع منج الغاليه ..
تدرين انا كنت استهين بهالاعراض لاني ما كنت اعرف شو هي اعراض الحمل
و ابدا ما كنت اتوقع ان اعراض الحمل و الدوره متشابه … اللا من بدأت اقرا
بالمنتدى هنا …
عسى ربي يرزق و يفرح قلب كل محرووومه …