صار عندي نزيف شديد لمدة يوم كامل وأنا في الأسبوع 13 ولما فحصت علي الدكتورة بالسونار طلع عندي انفصال في المشيمة ولا زال في تجمع دموي في الرحم بس الجنين بخير الحمدلله لكن النزيف وقف في اليوم الثاني ونصحوني بإلتزام الراحةمع إبر تثبيت ودوفاستون وبعد 3 أسابيع نزل علي دم مره ثانيه ولكن بشكل خفيف. أنا الحين في الأسبوع 16
بغيت أعرف إذا في حد منكم صار معاها هاشي وكيف تصرفت وهل كمل الحمل معاها للتاسع أنا وايد خايفه إني أفقد الجنين ……يا ليت حد يرد علي
كثري من الدعاء والاستغفااااااار …
اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين
وسلامتج وما تشوووووووووووفين شر
وسلامتج وما تشوووووووووووفين شر
لكن مووووول ما سوولي شي …..مستشفيات راس الخيمة عاد
ولا بعد كنت سايرة مستشفى راس الخيمة اونة خاص ..وشو قالولي بعد عناء الانتظار وشرب الماي والسونار… الجنين بخير وارجعي البيت وارتاحي لين باجر وعندج موعد
ورجعت سرت الطواري من خوفي وما سوولي شي وطبعا كنت مضطرة اسير المستشفى لانه النزيف ياني بالجمعة
المهم سرت المراجعة والنزيف بعده مستمر وما عطتني اي شي وقالتلي نفس الكلام سيري ارتاحي وبيخف الدم وبصراحة ما ادري اي شهادة اللي عطوها اياها وانا في حالة نفسية في الحضيض حاصة انه اول حمل لي وانا من كثر ما اقرا اعرف انه فيه حالات يعطونهم ابرة تثبيت مثل حالتي
المهم رجعت بيت هلي وللاسف دكتورتي كان عندها مؤتمر في دبي كلمتها بالتلفون قالتلي تحتاجين ابرة تثبيت ارتحت شوي
واليوم الثاني سرتلها العيادة خذت الابرة وطمنتني على الجنين
ولين الحين خذت ثلاث ابر تثبيت وعندي مراجعة بعد اسبوعين ان شاء الله ونسيت اخبرج كنت اخذ حبتين تثبيت في اليوم قالتلي من اليوم تاخذين 3 حيوب لانه الدم بعده موجود واي حركة او تعب بيرد ينزل
والحين راحة تاااااااااااااامة في الفراش
نصيحة موووووووووول لا تقومين من فراشج الا للحمام تكرمين بس …ولا تتحركين وايد وايلسي بهدوووووء ولا تيلسين على الارض وحطي مخدة تحت فخذج واهتمي بصحتج وكلي عدل انا نزلت 7 كيلوات من يوم النزيف واهم شي اشربي سوائل قد ما تقدرين
وكثر ما ارتحت كثر ما كان علاجج اسرع
انا من اسبوعين ونص تقريبا والله كريم
طولت عليج بس حبيت اكتب لج تجربتي عشان تستفيدين
الله يثبت حملي وحملج