حامل : تعاني من الحموضة ؟ تغذية صحية

السلام عليكم

ياريت الاخوات اللي حامل وتعاني من الحموضة ( والحارق ) في الصدر
شو هو الشيء اللي يخفف هاي الأعراض ؟

استعمل * موكسال بلس * بس وايد يوم اكون نايمة صدري في حرقة ..

اذا فيه اطعمة ممكن تخفف الحموضة ياريت تفيدونا

ولكم كل الشكر

أنا من حملت وانا فيني الحموضه لين الحين……… تقدرين تشربين حليب باااااااااااارد او لبن باااااااااارد اتجنبي من الاكلات اللي فيها اي شي حامض مثل عصير البرتقال ورق عنب لاني انا يوم اكل هالاكلات كله احس مثل حرقه..

كله من الأكل اللي ناكله…غيري نظامج خلي أكلج كله ناشف…أنا من قمت أكل النواشف افتكيت من الصاهر…(سندويش جبن، عيش أبيض وروب،خبز..) ابتعدي عن المقلي واللي فيه بهارات والمخللات….عصير البرتقال بعد يسوي حموضة..

ربي يعينك..
اشربي عصاير باردة وابتعدى عن الليمون والبرتقال..

واشربي لبن ..وروب حلو بعد الروب يبعد الحموضة..

أشواق333

حاسه فيج والله
لأني من دشيت الثامن وانا اعاني من هالشي ..
شربت موكسال بس ما شي فايده ..

ابعدي عن الأكلات الدسمه واللي فيها دهون وايد والصالونه أو (المرق ) لأنها تزيد الحرقه
اشربي حليب بارد ، أو روب ..

جربي تاكلين لوز وان شاء الله بيخف عنج