ابغي اسألكن اذا حد جرب zinnat
هالحبه عباره عن مضاد حيوي ضد البكتريا تقريبا كل حامل يصيبها هالشي
يوم كنت حامل بولدي سعيد عطتني لمدة خمسة ايام وبصراحه ما استخدمتها
فوقت الولادة عطوني ابرة عن البكتريا المهم عقب ما خذتها حسيت بفرير في
فوادي ويوم يبت سعيد بهدلوه قالوا نخاف وصلت له البكتريا ورقدونا 5 أيام
الحين بحملي هذا قالت لي الدكتوره نفس الشي وعطتني نفس الدوى وقالت كل
يوم خذي حبتين لمدة اسبوع قلت احسنلي اخذها والا اتبهدل وابهدل عيالي ويايه
عقب ما تغديت امس خذت حبه كان كل شي اوكيه عقب حسيت اني ما اشتهي
شي وحسيت بلوعه الحمدلله اني قدرت اتعشى والمصيبه الخدامه زودتها حبتين
على قولتهم حطت مايونير اكثر من المطلوب في الصمون شوه انسوي يديدة
ولازم نتحملها اشوي …الساعه 3 فليل نشيت ضاربني صاااهر عوذ بالله منه
شرات الصاهر اللي ضربني يوم عطوني ابره وقت الولاده الحين خايفه من
هالدوى هل كل مره بصرط فيها الحبه بيصيبني جذه والا اول مره بس
يا ليت اللي عندها خلفيه اتفيدني
انا اقترح عليج تخبرين الدكتوره بهاي الأعراض يمكن هالنوع من المضاد ما يوالج عشان تغيرله لج
ومافي اي مشاكل
ولا تحاتين الغالية هذا للحوامل
ويثبت حملج يااارب العالمييييين..