مرحبا باحلى بنات وحريم المدونة شحالكن؟
بغيت اعطيكم معلومه مفييييده جدا لانيه من فتره قريت موضوع وحده تبا تشقر وهي حامل ولامدالي الوقت ارد عليها ودورت الموضوع ولاحصلته المهم قلت اليوم اكتبه لكم وان شاء الله تستفيدون
في حرمه كانت وايد تشقر والكل ينصحها الا هي مب راضيه لانه تعرف حريم شقرن وهن حمل وماياهن شي
بعد ماولدت مولودها طلع مايسمع وايد رخو مايقدر يزخ شي بيديه بطيئ الحركه يعني اله الحين سنتين ونص وهو توه يحبي (تخيلو كيف)
وشكله شرات المغوليين بس طلع مش مغولي وطلعو الدخاتر لهم لسته عوووده مالها اول ولاتالي والحين ياحليلها تعاجله بس يوم قالت لهم شو السبب طلع من التشقير
نصيحه ياحوامل يعني شو فيها لو صبرتن كم شهر ولاسويتن فيهن هالاشيا تبين تتعذبين بدخاتر وحالتج لله وولدج مب شرات العيال على شي مايرزى بليز ياليت تسمعن نصيحتيه لكن
اصلا انا مابحياتي ماشقرت الحمدلله بس احف
بعيد الشر
الشهر الياي عندي عرس بس بسال الدكتوره اول