انا عضوه يديده وياكم وحبيت استفيد من خبراتكن
يزاكن الله خير انا ف بداية حملي ف الشهر الثاني
وماعنيت الحمدالله من اثر ( الزواع ) عزكن الله الا من كم يوم
آلام رهيبه وحرقااااان ف البطن وانتي سايره فوق صوب الصدر
وجبدي لاايعه وحالتي لله ( احس بمووت خلاص )
وهذا اول حمل لي وتعبااانه ومنهد حيلي
وآخاف آكل شئ ،، احس لو كلت شئ ( برجعه )
لأني من وانا صغيره اخاف من شئ اسمه ( ترجيع )
واحياناا ماكون ماكله شئ بس اللهم اشرب لبن او ماي واسير الحمام ارجع عزكن الله ( ماده صفرا ) ويكووون ف حلجي طعم حمووووضه رهييييييييييييب
يذبحـــني واللللللللللله 
مب عارفه شو اسوي ولا شوو آكل ولا شووو أشرب
ف قلت ماشئ غير خواتي يزاهن الله خير هنيه اكيد عندهم خبره ويعرفن عن هالشئ
ف الله يخليكن لا تبخلن عليه بنصاايحكن ,، واللي ماعندها تسدني دعوه حلوه بظهر الغيب
وعسى الله يرزقنا الذرية الصالحة ويرزق كل محرومه ( يااارب )
هذي الماده الصفرا تكون علا كبد كل حامل عشان جي لا تحاتين ابدا اهم شي كثري من السوايل وانا فديتج من نص رمضان لين الإسبوع الي طاف الترجيع ما فارقني ماعليه لا تحاتين وحاولي تنسين عمرج لا تقولين بااااكل وبرجع لا كلي الي نفسج فيه عشان ما ترجعينه
اما الحموضه اشربي حليب بارد و
وتروح انا مجربه
الخيار يخفف بشكل مؤقت
الزنجبيل واايد زين للرجيع واللوعة ويكون بكمية صغييرة لانه مب زين للحامل وايد
الله يسهل لج
ماعندي فكرره صراااحه
بس سمعت انـــه البسكويت المملح زيين ع الصبح عشان يخفف اللوعه
ومبرووك عليج وربي يتمم لج على خير