كثير ما اشوف هذا السؤال متكرر… (شو نشتري للبيبي؟؟)… سؤال سهل بس محتواه عويص..
طبعا مستحيل حد ينسى يشتري المستلزمات الاساسيه اللي منها الملابس الداخليه والملابس العاديه للبيبي.. غير عن القبابيس والقلفزات والقماطات.. والفوط…الخ
بس بعلمكن عن اشياء كثير منا ينساها.. او حتى ما يعرف انها موجوده في السوق…
عشان جيه حبيت اعرضلكم الاشياء اللي اعتبرها انا ضروريه لج انتي وللبيبي.. ومعاها تكون الحياه حلوه …
اولا… مخدة الرضاعه:
هذي المخده بتريحج وااايد وبتريح البيبي معاج.. تجلسين وتحطينها على بطنج بحيث انها تلف حوالين خصرج.. وتحطين البيبي عليها وانتي ترضعينه.. منها تسندج ومنها ترفع البيبي لمستوى صدرج دون الحاجه للانحناء على الطفل مما يؤدي الى الام في الظهر..وبتحصلونها في محل اسمه بريمامان في برجمان او ابوظبي مول
وثانيا:
انصحج بعد بشراء الكرسي الهزاز حق تستمتعين فعلا انتي وطفلج بعملية الرضاعه..وبتحصلين منه في تويز ار اس او محلات الاثاث اوتقدرين تفصلين منه
اول تجربه لي في الولاده والرضاعه كانت مأساااه.. ولكن تداركت الموضوع بحيث اني دورت كل سبل الراحه في ثاني حمل لي.. وفعلا كانت مرتاحه وبالتالي البيبي ارتاح .. ترا الياهل يحس بامه وحالتها النفسيه بطريقه ما تتصورونها..
ثالثا:
كم وحده منكم تلعوزت من كثر ما الياهل يتوق (او يرجع) على ملابسها وعباتها وغيره..
البرب كلوث هو الحل الامثل لهذي المشكله.. ومتوفر في اوكايدي و بون بوينت في هارفي نكلز
وهي عباره عن قطعة قماش مستطيله.. تحطينها عالكتف متى ما خلصتي رضاعه.. اولا تكون انظف بالنسبه للطفل عشان ماتستويله حساسيه في ويهه من ملابسج.. وثانيا حق ما يوصخج اذا طلع شي من حلجه.. وثالثا.. تقدرين تغطيبها صدرج وقت الرضاعه..( ونصيحه يا خواتي.. لا تطلعن صدوركن جدام حد موليه لو انشالله هلج.. يمكن بالنسبه لج عادي.. وتقوليت خلاص شايفينه.. او اسهلج .. بس مهما كان لازم يكون في خصوصيه من هالناحيه.. وخص جدام الخدامات.. اتحملن تراهن ما يقولن خير)
رابعا:
من ناحية الدايبر باق (شنطة البيبي).. احب اللي يكون معاها القطعه النايلون للبيبي حق وقت تغيير الحفاظ.. واحب يكون فيها مخابي خارجيه حق اذا بطاول شي بسرعه ..
واترككم مع بعض الصور :
واخيرا وليس اخرا… احب اكون مجهزه شي للذكرى مثل طبعه للايد والرجل.. وغالبا اطلبهن من الانترنت
وانتظروا المزيد من اختكم لمعة الماسه
.gif "13 (37)")
الصراحة كل هالاشياء ضرورية
و مخدة الرضاعة تنفع ايضا في كرسي السيارة احد الضروريات
و اهم شي عندي الكرسي الهزاز
ههههههههههههههههههههههههه
لانه يساعد على النوم
تسلمي اختي ما قصرتي على الموضوع المفيد
هيه عزيزتي made of glass فيه حركات وايد حلوه… والمشوار طوييييل جدامي.. انشالله كل فتره بزيد شي..
وشكرا عالمرور
مشكوررره على الموضوع