شحالكم الغاليات
بغيت اخذ رايكم في موضوع.. كيف تتصرفين في هالموقف
حزت ولادتج ولازم تسيرين المستشفى .. منو تاخذين معاج امج او عمتج( ام ريلج)
واذا عمتج قالت لج انا بسير معاج ما له داعي تقولين حق امج.. كيف تتصرفين ..
ومنو الاحق انه يسير معاج..
انتظر ردكم
لكن اذا عمج قالت بروح عيب تقوليلها لا و خبري أمج بعد
الصراحه أنا افضل اخذ امي عشان لو بغيت ازاعج ولا شئ ما استحي…و بعدين لو امي شافتني فعادي هيه امي لكن ام ريلي ما اعتقد عادي اتشوفني وإلا اتكون موجوده افحجرت الولاده…إذا بتي عادي عندي بس ما اتكون افحجرت الولاده فشله استحي…و حتى قلت حق ريلي اني استحي امه اتشوفني و عقب ما اخلص الولاده كل ما اتشوفني بتتذكر شكلي و انا اربي هههههه فشله
اول ما تيني الويعه بسير بيت اهلي عشان اتويع على راحتي هههه
بس أنا بشل ريلي بسسسسسسسس
كل عمة تستحق الاحترام وتنحط فوق الراس لكن ما انصحج ابدا ابدا ابدا تاخذينها معاج حتى لو كنتي بعيدة عن اهلج
انا اتكلم عن تجارب مو تجربة
الام تحن على بنتها ومنهم مايتحملون تشوفينها لما خلاص بينزل البيبي تطلع برا ماتقدر تشوف بنتها واهي تعبانه .. ولو قعدت تمسح على راسها تدعيلها تذكرها بالادعية تمسح ظهرها كم بقولج عن الام ..
لكن العمة لو سوت كل هذا بتظلين انتي مرت ولدها ماأعرف كيف اشرح لج !
يعني انا ربيعتي ولدت بعيد عن اهلها وكانت عمتها معاها وعمتها وااااايد طيبه وتهديها وقت الولادة
بس لما رحنا نزور ربيعتي قعدت تمثل (نامت العمة على الارض ورفعت ريلها وقلبتها يمين ويسار) كيف ربيعتنا ولدت بكل سخرية وتضحك عليها !!!!!!!!!!!!!!!!(طبعا ربيعتي ماكانت موجودة) بس استغربنا وما قلنا لربيعتنا عمتج جي قالت ..
عسب جي اقلج قلب الام غييييييييير
فاذا ماحصلتي حد من اهلج توكلي على الله وكوني قوية ادخلي بروحج غرفة الولادة والممرضات مابيقصرن اكيد مو وحدة اللي بتدخل معاج وتحملي تدخلين ريلج تحملي خاااااااااااااصة الوقت اللي خلاص بينزل فيه البيبي بعد عمتج ساعتها يمكن تكون اهون عن ريلج ..
واذا بغيتي تستفسرين عن اي شي نحن مابنقصر معاج عزيزتي تر كلنا خوات هني جنا في بيت واحد .