خواتي الوالده ومن فتره 3 سنين تقريبا طلع فيها ديسك في الفقرة السادسه والسابعه برقبتها وبين الرابعه والخامسه اسفل الظهر ،،،، عطوها مسكنات ونصحوها بالعلاج الطبيعي بس بين فتره وفتره كانت ايدها اليسار واااايد اتعورها وعاد الوالده الله يهديها ماكانت تشتكي الا اذا زااااد وايد عليها ،،، المهم بعد رمضان هذا زااااد عليها الويع ووديناها الطواري ( مستشفى راشد ) وعلى حظنا كان الدكتور اللي تراجع عنده موجود وصدمنا ان امي كانوا قايلين لها لاااازم عمليه وخبرها هالكلام قبل رمضان طبعا هي اتكتمت على الموضوع ووصت اخوي الله يهديه ما يقول لحد لانها زااايغه وقالت بتنطر عقب رمضان بتخلي ابوي يسفرها خارج الدوله ،،، طبعا للاسف فات الأوان والحجيه ماتروم تتحمل الويع والدكتور قال ماشي فايده خل انسوي العمليه اهني وبالزور اقنع ابوي وامي كانت مقتنعه ومتوكله تبغي اتسويها اهني وسوولها باليوم اللي وراه اللي هو الجمعه ( ازاله الديسك بالمايكروسكوب ) واللي سواها الدكتور عماد هاشم رئيس قسم الاعصاب بالمستشفى ،،، الحين بعد العملية تقريبا صارلها 12 يوم الالم ما زال موجود بس مو مثل قبل اخف بس احنا بعدنا متخوفين 
خواتي اذا حد امسوي العمليه اهني او خارج الدوله خبرونا عن تجاربكم وامتى يرجعون طبيعي لاني احس الوالده بعدها تعبانه وساعات اقول يمكن لانها ما تلتزم بالراحه التامه واتصر تقعد واتسولف مع الزوار !!!!
الدكتور يقول يبالها فتره الين ما تزول كل آآآآلامها ،،، انا متخوفه لاني كنت سامعه تجارب مب زينه لناس بعد ماسوو هالعمليه ،،، الله يشافيهم ويشافي امي ،،، ماعرف تنصحونا انسفرها او نصبر عليها لبعد شهر او شهرين انجوف النتايج لانه صعب الحين اتسافر على حد كلام الطبيب؟؟؟
طمنوني خواتي ،،،
اختكم * أم شهد *
يباله وقت اختي و 12 يوم توها يعني مب وايد … بس مهمه جدا خطة العلاج بعد العمليه .. و احتفظي بالتقارير كامله و الأشعه قبل و بعد العملية .. إذا طاعوا يعطونكم اياها ..ضروري إذا بتسفرونها برع عقب فتره … بس لا تخبرون الدكتور لأنه إذا عرفوا بتسافر عادي ما يعطونكم شي ..
ان شاء الله الوالده بس تلتزم ،،، لاني ماجوف هالشي فيها كله اتحاتي فلان وعلان شو كلتوا شو سويتوا البيت نظيف والا وما إلى ذلك تحاتي اهل البيت وناسيه نفسها
و ان شاء الله الخوات يفيدونج