شوربة قباقيب يمي يمي من ايد سيدة الوروود حلويات الاماراتي

كانت لي مشاركه في احدى المدونة من 2024 لشوربة القباقيب..

كانت تجنن.. عاد اول مره كنت اسويها.. واذكر كنت ماخذه الطريقه من النت مع شوية تعديلات من عندي

التصوير كان مش واضح.. والقباقيب لو خليتهم انصاف اتوقع احسن

اول شي شوفوا الصور.. عاد التصوير ما يشجع من الفون.. ايام النوكيا هع هع

انصكم تجربون الطريقه.. ونسيت اقول لكم ان موضوعي كان من ضمن المواضيع المميزه

ما بمدح وايد.. بس اللي بتجرب تعطيني رايها

تفضلوا المقادير والطريقه:

شوربة القباقيب
(نفس المطاعم) تكفي ل3 أشخاص

مقادير رقم (1)

* 3 أو 4 قباقيب + خل
* بصلتين مقطعة إلى 4 قطع
* 2 طماطم مقطعة إلى نصفين
* قطعة صغيرة زنجبيل
* زعتر بري (أنا استخدمت الطازج)
* ملعقة صغيرة فلفل اسود مطحون
* قليل من الملح

مقادير رقم (2)

* مغلف شوربة فطر (ماجي)
* 4 أكواب ماء (للشوربة)
* رشة فلفل اسود مطحون
* نصف مكعب ماجي
* نصف علبة مشروم
* زبده + ملعقتين طحين رقم (1)

الطريقة:

* أول شي القباقيب:
– تغسلينهم وتخلينهم بالخل لمدة ساعة ( عشان الريحه )
– تسلقين القباقيب مع مقادير رقم (1) ما عدا الخل، لمدة نصف ساعة
– بعدها طلعي القباقيب فقط، وخليهم على جنب، (ما راح تحتاجين لباقي المقادير اللي مع ماء القباقيب)
– تسيحين الزبدة وتقلين المشروم ونصف مكعب ماجي، وبعد ما يستوي ضيفي عليه ملعقتين طحين وحركيه.
– شيليه من على النار وضيفي 4 أكواب ماء ومغلف الشوربة، وضيفي رشة فلفل اسود مطحون، واتركيه حتى الغليان.
– ثم ضيفي القباقيب بالشوربة.

وبالعافية

ملاحظة:
إذا حبيتي تكون الشوربة غليضة خففي من كمية الماي، في حدود 3 أكواب ماي