شحالكن خواتي أمهاتي .. اكيد ما يستوي بناتي<<<< بلوحي ثغيلة << ملينا من هالكلمة لوووول 
شو كان غداكم اليوم <<< احلفي
نحن كان غدانا عيش أبيض .. لحم مقلاي .. وسمج مقلاي <<< ما يطلبه المشاهدون . . قصدي ما يطلبه نحن لوووول
الموهيم
نحن تقريبا كل يوم نسوي صلصة الفلفل الحارة
قلت فكرة!!
أصور حق خواتي وأمهاتي سيدات الامارات
المقادير :
فلفل حار
طماطة حمرة
وريقات كزبرة
بصل ابيض
قطعة ثوم صغيرة كنكهة
نقط من الخل الأبيض
ملح وماي
مب جني نسيت أصور الفلفل
تشوفون الكزبرة في الصورة.. هذا زراعة محلية.. قصدي زراعة بيتنا
الطريقة
– أول شي .. نقطع الفلفل والكزبرة والثوم ونرش عليهم الملح والخل والماي .. نفرمهم في الخلاطة العصير .
– نقطع الطماط قطع صغيرة .. وندق بالهاون الخاص بالثوم .. لاتحطون الطماط في الخلاط .. لان بيستوي مفروم وايد .
– نقطع البصل .. طبعا البصل غير ضروري..
– نحط الكل في طبق واحد ونخلطهم
ونحط فوق العيش البرياني أو العيش الأبيض
وبالعافية
.gif "55 (1)")
.gif "55 (11)")
تسلمين الغالية نوف يعطيج العافية
تسلمين غناتي
ان شاء الله اليوم الظهر على الغدا بسويه……….. مب جنه الحين الظهر ههههههه
لا يوم بروح البيت قصدي……… انا في الدوام حاليا
تشاااااااااااو