كيكة النيدو المحمص
طبقيتها من مدونة ثاني خفيفه و هشه ولذيذه بمعنى الكلمه
المقادير
كوب حليب نيدو محمص ( حطوه على النار لين ياخذ لون اشقر شوي )
كوب زيت
كوب سكر بودره
كوب طحين
نص كوب ماء
بيضتين
فانيلا
ملعقة طعام بيكنج باودر
الطريقه
في الخلاط اولا البيض ولمدة ثلاث دقائق ثم نضيف الفانيلا ثم السكر البودره بالتدريج مع استمرار الخفق ثم نضيف الماء بالتدريج ثم الزيت والخفق مستمر ثم الحليب المحمص ( استخدمت خلاط العصير )
ننخل الطحين وال ب ب ونضيف عليهم الخلطه ونعجن بالملعقه
في الفرن على درجة حراره 170 ولمدة 30 دقيقه او 35
الخلطه اللي فوق الكيكه مب من نفس الموضوع خذيتها من مدونة ثاني
عباره عن
3 جبنه + 1 قشطه + كيس كريم كراميل + 3 ملعقة طعام حليب بودره
في الخلاط
عقب زينيتها بلوز وفستق
والمعذره لو انها نازله قبل في المدونة ترا ما ادري
والمعذره على التصوير لانه من الموبايل
والمعذره اني ما صورت الخطوات والسبب الكسل ههههههههه
احبكم في الله
المشاركة الأصلية كتبت بواسطة ام سالم 
ام سالم
انا شفت الكيكه في الليل اول امس والصبح عندي شغل رديت الظهر على المطبخ وسويتها هههههه ما صبرت
سهله ولذيذه وايد
ومشكوره الغلا
تسلم ايدج الغلااا
هني وعافية يارب
