احلى كب كيك الفستق طبق اماراتي

شخباركم بنونااات اليوم حبيت اني اعطيكم وصفة من وصفاتي الي واايد احبها وهي طريقة كب كيك الفستق

ما شالله روووعه واااايد هشه والكل يسالني عن طريقتها

– كوب واحد بسكويت دايجستف
– كوب واحد فستق مطحون
– كوب سكر مطحون
– 5 بيضات
– 4/3 كوب زيت
– 2 م متوسطة بيكنج باودر
– 1 م متوسطة فانيلا
– 1 م متوسطة هيل ناعم

اول شي نحط البيض في الخلاطة مع السكر لحد مايصير قوامه كريمي ثم نضع الفانيلا والزيت
ثاني شي في طبق ثاني نحط البسكوت المطحون مع الفستق والهيل والبيكنج باودر
ثالث شي نحط المقادير الثانية كلها مع المقادير الاولى في الخلاطة وتخط لمده 5 دقايق

وبعدها توضع في قوالب الكب كيك وتوضع في الفرن
اذا كان الحجم العادي للكب كيك على الاقل 20 دقيقه
اما اذا كان الميني تقريبا 12 – 15 دقيقه

بالعااااافيه عليكم حبايبي

تسلمي ع الطرح الرائع نتريا منج الزود

الله يعطيج العافيه غالييتي

صدقوني جربوها وماراح تندمووون

تقبلوو تحياتي

اذا ماعليج امر تخبرينا بس شو تستخدميين في تزيينها

وتسلم الايادي حبوبه ^^