هذا اول موضوع لي في قسم المطبخ اتمنى يعجبكم
سويتلكم ريمبو كب كيك
أو يسمونها الفلبينين
((فـــــــــــــــــوتو))
وهالكيك بالبخـــــــــــــــــــــــــــــار مش بالفرن
و بيحبونها العياال لان فيها الوان واااايد وتجذبهم
وهي تحسينها جنها بركان الوان متبطلة من فوق
المقـــــــــــــادير
2 كاس طحين
نص كاس سكر
نص كاس زيت
ملعقة بيكنج بودر
بيضتين
ملعقة صغيرة فانيليا بودرة << اذ حبيتو عشان البيض بس هو في السائل
ماي لين ما يصير مثل العينه (مش وايد يعني)
فانيليا السائل >>عدة الوان
نسكافيه
وتقدرون تحطون فيمتو
الطــــــــــــــــــــريقة
نخلط المقادير جميعها إلا الفانيليا السائل و النسكافيه في الخلاط
بعدين تييبين جدر البخار اللي نسوي فيه الذرة و اتحطين فيه ماي واتخلينه على النار
حق اللي ما يعرف شكله هذا هو الجدر
و هاتي ملات << الله و العربي مالي ..على عدد الوان الفانيليا اللي عندج والنكهات الثانية
وحطي شوية من العجينة مالت الكيكة في الملات
وبعدين صبي شوية من الملونات على العجين وخلطيهم
بعدين هاتي فناييل القهوة
و حطي فيه ورق مال كب كيك
وخذي خاشوقة من الخلطة الكبيرة وحطيه في الفنيال و شلي شوي من الخلطة الملونه وحطيه فوقة ومزجيه شوي بمال الاسنان وخلي حق كل لون عود بروحه عشان ما يختلطن الالوان و هكذا
بعدين حطيه في الجدر وغطيه تقريبا ل 20 دقيقة بس جيكي عليه
هاي القطعة كنت مسوتنها بالنسكافيه بس طلعت جنها حبات خال قمت وزدت عليه نسكفيه و ماي شوي وصارت جذيه
و بما اني من عشاق القهوة كانت اول قطعة انقض عليها هي اللي بالنسكافيه
يتــــــــــــــــــــــــــــــــــــــــــــــبع
[CENTER]
^^طلع شكلها حلو مثل الوردة
هاي ما حطيتلها من العجينة السادة بس خلطلها من الصفرا و الخضرا و الزرقا
على فكرة نسبة السكر اللي احطها مش وااااايد فاذا بيغيتو تزيدون زيدوا
وبالصحة والعافية
هيييييييييييه نسيت اقولكم لاتنسون تغطونه عشان يتم لين وحلو
و لاتنسون اطلعون الفنيال بالملقط مال الاكل عشان ما تنحرقون وتدعووون علي
لا تحرموني من دعواتكم و ردودكم الحلوة
ملاحظة: بنات الموضوع متعوب عليه ارجو محد ينقله من دون ذكر المصدر
تسلم ايدج حبوبه
المشاركة الأصلية كتبت بواسطة دهن_العود 
تسلم ايدج حبوبه
الله يسلمج و مشكورة على المرور
بس بغيت أسألج عن الجدر .. من وين ماخذتنه
والفنايين ماتنكسر في الفرن ؟؟
المشاركة الأصلية كتبت بواسطة smile بس بغيت أسألج عن الجدر .. جدر عادي أو جدر خاص ؟
والفنايين ماتنكسر في الفرن ؟؟
الله يسلمج … الجدر شاريتنه جذي من تحت تصبيله ماي و يطلع بخار و الفناييل لا ما انكسرن عندي ^_^
تسلمين الغلا