مرحبا خواتي بحط لكم طريقة عيش السرايا اللي الماما تسويه وطبعا هاي طريقة مصرية
اول شي نييب التوست ونشيل الاطراف وبعدين نطحنه في الخلاط
نييب صينية تيفال دائرية ونسوي طبقة من التوست المطحون ويا السمن او الزبدة الذايبة
وبعدين نحط القشطة (اي نوع انتوا تحبونه ) الماما تستخدم القيمر فوق التوست وتفردينه بس انتبهي على طبقة التوست لا تنشال وانتي تفردين القشطة
وعلى الفرن تحطين كوبين حليب مع نص كوب سميد وتخلطين لين ما تستوي غليظه بس مب وايد(اذا غلظت وايد زيدي ماي)
وصبيه شوي شوي على القشطه وتدخلينها الفرن وعقب تجلبينها وتصبين عليها الشيرة
وبالعافيه عليكم
كل الشكر لج على المشاركة بوصفة الماما الله يحفظها
يعطيج العافيه الغلا
يبالي اجربها شكلها لذيذه