ومسااااكم الله بالخير والسرور .. وبكل شي حلوو ^^
اليوم بحطلكم طريقة كيكة الاولكر .. وكيكة سهله وحلوووووووووووه صدق حلوه .. حتى خالي لليوم يطفر بحرمته كل ماتسويله كيكة يقوليها ماترومين تسوين شرات كيك Cavalli Girl ههههه عاد هي تحتشر وتقولي تسوين الكيك انتي ..
المـــــــــــــــــــــــــــــــــــــــــــــــ ـهم .. انا بحطلكم الطريقه وان شاء الله تفهمونهاااا ^^ هي سهله مايبالها شي ..
اول شي براويكن الاولكر اللي استخدمته في هالكيكه .. للأمانة صورة الاولكر شليتها من النت لاني ماصورت كرتون الاولكر اللي استخدمته …
مقادير الطبقة الاولى:
بسكويت مطحون باكيت كامل + ربع اصبع الزبده وتفردها على البايركس ونساوي سطحها بالكوب او الخاشوقه .. ونحطها في الثلاجه شوي لين نسوي الطبقه الثانيه ..
الطبقة الثانيه:
12 حبة جبن كيري + علبة حليب محلى نستله المركز <<< ههههه احس خربطت في اسمه بس اكيد عرفتوه
نخلط الجبن مع بس ثلاثة ارباع الحليب المركز ونصبه على طبقة البسكويت بعد مانطلعها من الثلاجه وبعدين نحطها في الفرن بس عشان تتجمد الطبقه من غير تحمير يمكن تاخذلها ربع ساعه بس .. وبعد ماتخلص نطلعها من الفرن ونخليها تبرد تماماااااااااااااا 
واخر شي .. اللي هي اخر طبقه هي طبقة حبات الاولكر .. نرصهن فوق الطبقه الثانيه مع ترك مسافات بسيطه بين كل حبه والثانيه ..
وللتزيين .. زينو باللي تحبوووه .. انا استخدمت الحليب المركز و الجوكليت الهرشي والفستق واللوز
ترومن بعد تستخدمن للتزيين .. البسكويت المطحون ولا اي نوع ثاني من المكسرات بيطلع شكله حلووو ^^ جربووو
وهذا هو الشكل النهاااائي …. اتمنى انه الكيكه تنال على اعجابكم ..
وهني بعد ماقطعتهااا ..
.. صدقووووووني بتعيبكم وآآآآآآآآآآآآآآآآآآآآآآآآآآآيد ..
