السلام عليكم ورحمة الله وبركاته
هذا تطبيقي لطبق حلو شفته وعرضته على البنات
وان شاء الله ينال اعجابكم
وممكن تقدمينه مع القهوه العربيه ..
اليكم المقادير
تمر منزوع النوى أو بـ نوى وانتي تنزعينها
علبة نستله ( حليب مركز )
جبنة كيري
بودرة شوكولاته
أعواد خشبيه
علبة بسكويت شاي
الطريقه
أول شي راح نطحن البسكوت بهالطريقه..
وبعدين شليت النوى عن التمر وعجنته وخلطته مع بسكوت الشاي المطحون وكورته حبه حبه
بهالطريقه (( وبعدين بنصف الكور فـ صحن التقديم بس كل وحده بعيد عن الثانيه ))
الحينه بنحط في الخلاط علبة نستله كبيرة مع 3 حبات كيري واخلطه
( ماكثرت من الكيري علشان ماسويت وايد كور من التمر )
وأخيراً بعد ماتجهز الخلطه ..
صبي نصف الكميه بشكل عشوائي فوق التمر
والنصف الثاني حطي عليه ملعقة شوكلاته واخلطيه مره ثانية وصبيه فوق التمر بنفس الطريقه
مع ملاحظه :بتلاحظون انه يوم خلطت الشوكولا ماطلع وايد غامج لأنه انا هني استخدمت الشوكولاته الفاتحه الي بدون سكر .. لأنه التمر فيه وايد شكر فـ خفت يستوي وايد ثجيل .. انتوا تقدرون تستخدمون أي نوع من الشوكولا الي تحبونه :1 (80):
ثم اغرزي في كل حبة تمر عود خشب
وقدميه مع القهوه العربيه أو التركيه :1 (20):
ان شاء الله عيبكم ^.^
اختكم
شيخة الحريم :22 (13):
..**..**..**..**..**..
فنانة ماشالله عليج..