طريقة عمل كيكة التمر… طبخ الامارات

السلام عليكم البارحة سويت كيكة تمر..حمااااسسس

كوب و نصف طحين رقم واحد
كوب سكر
بيضة
ملعقة بايكنج باودر
كوب زيت
كوب و نصف ماء مغلي لتنقيع كوب من التمر

الصلصة ( اذا بتستخدمون الصلصة عيل انصحكم بنصف كوب سكر بدال كوب كامل عن لا تطلع الكيكة حلوة بزيادة)

3 فناجين ( مش اكواب) سكر
و علبة قشطة

انحطي الماي على النار لي ما غلى انصب عليه التمر لين مايذوي

و نخلط المواد الجافة مع بعض ( الطحين + السكر+ البايكنج باودر)
و نخلط المواد السائلة ( الزيت + البيضة + التمر بمايه)
و بعدين نمزجهم مع بعض .. و نجهز القالب ندهنة بشوية زيت و نرش عليه اشوية طحين علشان الكيكة ماتلصق … نصب الخليط في القالب و ندزه بالفرن و و عادة أول 5 دقائق ما نفتح الفرن أبد..
و بعد تقريبا 45 دقيقة اتكون الكيكة جاهزة..

اتذوبين السكر و بعدين اتضيفين عليه القشطة و تخلطين لين مايتماسك الخليط.. و تصبينه اختي على الكيكة و الإثنين باردين .. و بالهناء و الشفاء و ادعولي بالخير …

تسلم الايادي

تسلمين الغالية يزاج الله خير ..

بارك الله فيج تسلمين على الوصفة..

تسلمين ايدج اختي

ما خبرتوني حد جرب الكيكة الحماسسس؟؟؟

مشكوره على الطريقه روعه لان كيكه التمر حلوه جدا