كل عام وانتم بخير
ابتدينا نعمل البسكوتات والكحك والحاجات الجميله بتاعه العيد
ياسلام لو تفاجئى اسرتك بعمايل ايدك انتى والموضوع اسهل منه مافى المهم ماتشترى من المحلات انتى ضامنه نظافه يدك ونظافه اغراضك
حابتدى باول شيئ
السابليه
المقادير
كيلو زبده صفراء
كيلو نصف دقيق ابيض
نصف كيلو سكر بودرهالتزيين
شيكولاته بيضاء مخصصه للحلويات نصف كيلو
كاكاو خام حوالى ملعقتين اكل
شيكولاته بنيه نصف كيلو
فستق مطحون
بندق محمص ومقشر
كل حسب امكانياته
ممكن جوز هند او شيكولاته فورماسيل
اذا حابه تلصقى كل اثنيين فى بعض يبقى حاتحتاجى مربى اى نوع حسب ماتحبى
الطريقه
اولا ادعكى الزبد بيدك حتى تصير كالكريمه وحراره اليد حاتساعدك وليس بالمضرب
ضعى سكر البودره وكملى دعك حتى يضيع السكر نهائى
الى ان تصبح هكذا
نضيف الدقيق على مرتين مع استمرار العجن
واذا احتاج كبشه يد دقيق ضعى المهم ان العجينه تترك يدك بسهوله
هكذا شكلها النهائى
ناخذ نصف العجينه ونضع عليه الكاكاو الخام ليصبح لونه بنيا
اصبح عندنا عجينه بنيه وعجينه بيضاء
على رخامه المطبخ او على طاوله نرش الدقيق ونبتدى نقطع العجينه باى قطاعات متوفره عندك بالبيت
حتى ولو غطاء زجاجه مويه
[color=#008000]
[color=#008000]ونرص السابليه فى صاج الفرن ونخبزه فى حراره متوسطه وانتبهى لاياخذ وقت فى التسويه
ويكون رصه بعيد عن بعضه لانه بيفرش فى التسويه
خلاص كده استوى
حانبتدى نزينه
نسيح الشيكولاته البيضاء والبنيه على حدا على حمام مويه
السابليه البنى حانزينه بالشيكولاته البيضاء
والابيض حانزينه بالشيكولاته البنيه[/color]
نغمس طرف الحبه فى الشيكولاته وبعدين فى الفستق
بظهر الملعقه ادهن وجه الحبه بالشيكولاته البيضاء ونضع فى الوسط نصف حبه بندق
وبالشيكولاته البنيه ابتدى اعمل اشكال على السابليه بان اغمسها فى الشيكولاته البيضاء واهزهر على السابليه
فى الاخير نحفظه فى علبه محكمه الغلق واخرج منه على ق الاستعمال حتى تاكليه مقرمش الى اخر حبه
وكل عام وانتم بخير واى سؤال انا حاضره[/color]
الطريقة مبينه سهله
والنتيجه أكثر من رائعة
الله يعطيج العافيه =)
وتسلم الأيادي