شاوارما خبز عربي بالصور من مطبخ الامارات

السلام عليكم ورحمة الله وبركاته

مرحبا حريم بنوتات

اليوم يبتلكم طريقة عمل الشوارما الخبز العربي اسمحولي ما صورة كل شي

المقادير :1

دياي على حسب تبين صدور الدياي او ديايه كامله تحطينها في ماي وتفورينها وتقطعينهاشرايح
كوب خل
ربع كوب عصير ليمون
البهارات( رشة هيل ومسمار وفلفل أسود وقرفة )
ملح حسب الرغبة
ملعقة طعام خردل
تحطيهم في زبديه وننقعهم مدة ساعه او اكثر

المقادير :2

كوب جبن سائل
كوب مايونيز
وثوم
تخلطينهم مع بعض
*
*
المقادير: 3
*
*
قوطي روب
ثلاث خواشيق طحينيه
ثوم مهروس
فلفل اسود
تخلطينهم مع بعض

*
*

بصل شرايح (مقطع شرايح)
فلفل رومي(مقطع )

خبز عربي + خبز الرقاق
طماطم شرايح
خيار مخلل
بطاطس مقليه

الطريقة:
*
بعد ما نقعتي الدياي تحطين خلطة المايونز والجبن وتخلطيهم عدل مدل

تيبين صينيه فرن (يفضل زجاج)
وتصفين البصل والفلفل الرومي وبعدها تضعين خلطة الدياي حطي بقدونس على حسب الرغبه وتحطينهم بالفرن لين ما يحمر شغلي من تحت أول وبعدين من فوق لين ما يحمر

بعد ما تخلصين
تيبين صينيه وتفردين الخبز الرقاق وفوقه خبز العربي افصلي ألخبزه ثنتين وامسحي خلطة الروب وبعدين توزعين البطاطس + الخيار + الطماطم + مقدار من الشوارمه وتلفين ألخبزه عدل حاولي من إطراف الخبز تدخلينها على داخل