مرحبا خواتي اليوم يبت لكم طريقة عمل الكريب
تصلح حق الريوق او باليل او اي وقت تحبينه حتى لو سويته العصر حق الشواب بيستانسون
المقادير
كوب طحين
3 اكواب حليب
3 بيضات
ملح شوي
الطريقة
تخلطي المكونات كلها مع بعض بحيث تكون العجين سائلة
مثل اللي بالصورة
وبعدها نيب مقلاة ما تلتصق وشويت زيت ونحط نص خاشوقة زيت ونخليه تحمى المقلاة وبعدها نصب شوية من الكريب "قياس نص الكوب او كوب " ونوزعه على المقلاة حركي المقلاة لين ما يتوزع العجين بتساوي
"وانتي تقدري تتحكمي بالكريب يكون خفيف او متين "
وبعد ما ينضى من تحت تقلبيه لين ما ينضى وتحطيه في مله او صحن بس ما يتصكر على طول تخليها مفتوح لين ما تخلصين الكريب كله
شوفي كيف نضى من ورى هاذا شكله بيكون
وهاذا بعد ما خلصنا كله الكريب
قدميه مع العسل او الجبن طعمه وااااايد حلو
ومو شرط تحطيله ملح انا موووول ما احطله ويطلع خباال
واتمنى ان الشرح وضح وان شاء الله تجربونه والله طعمه حلو وما راح تندمون
وبالعوافي على قلوبكم ولاتنسوني من صالح دعائكم
اللهم اسألك ان تحفظ لي اولاديوتجعلهم من الصالحين يارب العالمين
وهذه مواضيعي القبليه
طريقة البراتا الهندية بالخطوات المصورة حياكم الله
ملف شامل لانواع الصلصات الحاره والبارده….ارجوا التثبيت
اللي تبي تتعلم طريقة عمل الخبيص الاماراتي حياها الله
اسياخ الدجاج بطريقتي حياكم وبالصور….
يبتلكم اليوم طريقة عمل الجباتي سهلة وبالصور حياكم
اتمنى مواضيعي تنال على اعجابكم
واتمنى من كل وحده تدخل مواضيعي تدعيلي بدعوة حلوة
ما شاء الله عليج .. مبدعه .. الله يوفقج دنيا و آخره ^^
يعطيج العافيه يالغلا ماشاءلله عليج فنانه
موفقــــــــــــــة تسلمين عالوصفة
مبدعهـ و فنانــــــــــــهـ .. ماشاء اللهـ عليج …^؛^
تسلم الايادي …
||
الله يعطيج العافيه