••—–••
شحآلڪَم / عسآڪَم بخيير ؟ !
•• صَبحكُـم مَسْـاكُم الله بالَخيرٍ جَمـْـيعاًًًً ••
{•~ ..
سويت سينامون غير شكل
شوفن وحكمن شكله غير وطعمه غير
العجينه اللي استخدمتها عجينة العشر دقايق
نبدي في طريقة عمل العجينه
المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس طحين / ملعقة بتنج بودر .
وانا زدت عليها نصف كاس حليب بودر … لان الحليب يعطيها طراوه اكثر
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات طحين /نصف كاس زيت.
ملاحظات
العجينه تتكون من مرحلتين
بالاول تخلطين المرحله الاولى
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس طحين واضيفي نص كاس حليب بودر
وتتركيها عشر دقايق تتخمر وراح يكون شكلها سائل
وبعدها تحطين مقادير المرحله الثانيه عليها
3 كاسات طحين /نصف كاس زيت
وتبدين تعجني فيها … بالاول ممكن تلصق في ايدج بس عادي حطي في ايدج اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء اشتغلي فيها …
مثل ما شفنا العجينه تنقسم لقسمين وتتخمر عشر دقايق في القسم الاول … وتضاف عليها باقي المكونات
يعني مجموع الطحين في العجينه هو خمس كاسات
الكميه ممكن تكون كبيره على بعضكم لكن ممكن تشكلي فيها وتنوعي يعني تقسمي العجينه حق فطاير وحق عمل البيتزا او حق خليه وعمل بيتزا وجي
والكاس للقياس هو كاس الجبن =240 غ
والملعقة للقياس ملعقة الاكل
ونتابع تشكيلة المعجنات
قسم من العجينه حشيتها زعتر
القسم الثاني حشيتها جبنه دبل كريم
هاااااه شوو رايكن
.. ~•}
فْي ٍحـْفظِ الله ورعاْيـَـٍته..~
• ~ — }
يعطيج العافيه
شكله لذيذ ومشهي وانا صايمه خخخ
المشاركة الأصلية كتبت بواسطة خيماووويه 
ربي يسلمج يالغلا
جربيه مابتندمين وبالعافيه عليكم ..
المشاركة الأصلية كتبت بواسطة تسونامي يعطيج العافيه
شكله لذيذ ومشهي وانا صايمه خخخ
الله يتقبل منج صيامج والله يقويج ياارب
وشاكره لج تواصلج يالغلا ..
يعطييج العافيه حبووبة
انا دووم استخدم هااي الطريقة وترومين تحطين لحم بعد
وهني وعافيه عليكم
المشاركة الأصلية كتبت بواسطة مرحباني يعطييج العافيه حبووبة
انا دووم استخدم هااي الطريقة وترومين تحطين لحم بعد
وهني وعافيه عليكم
الله يعافيج يالغلا وتسلمين ع الكومنت الغاوي ولاخليت من طلتج الحلووهـ ..