وعساكن بخير ؟
اليوم بحط لكن طريقة اللقيمات
بس غير عن اللقيمات اللي تعودنا عليها
انا تذكرت اللقيمات اللي قبل اهلنا يسوونها لنا قلت بجرب
والحمدلله عجبت عيالي وابو العيال اهم شي هههه
والحين كل مايطلبون اللقيمات يطلبون هذي
اللقيمات .
عاد قلت بحط الطريقه لخوياتي وبناتي حتى يجربونها
يالله بخليكن مع المقادير وطريقه .
المقادير .
1- جيلة طحين رقم (1)
2- ملعقه سكر
1- ملعقه خميره فوريه
نص ملعقه ملح
1 ونص كوب ماء
1- كوب زيت
زعفران وهيل اختياري
ولتزيين جوز الهند محمص
وسمسم محمص
الطريقه .
نحط كل المقادير مع بعض ماعدي الزيت ونعجنهم بالماي
ونخلي العجينه تتخمر تقريبا ساعه
نحط ع النار قلايه تيفال ونحط فيها الزيت الكوب
ونخليه لين يسخن وتكون الحراره متوسطه حتى مايحترق اللقيمات علينا .
وهذي صوره اقرب للقيمات
اتمنى تعجبكم اللقيمات وتستمتعون فيها ..~
Vitamin C
( امــ محمد )
المشاركة الأصلية كتبت بواسطة لابتوب احمر 
اشكرج يالغلا ع مرورج
وان شااء الله اجربينها وماتندمين
وبالعاافيه عليكم ..~
المشاركة الأصلية كتبت بواسطة pinky pearl تسلمين يالغلا منوره بردج ..~
المشاركة الأصلية كتبت بواسطة شيهانيه تسلمين فديتج ع ردج وجربيها وان شااء الله تعجبكم ..~
شكلهاا ناايس تسلم ايدج وعووافي يااقلبي
