السلام عليكم و رحمة الله و بركاته
المقادير :
– بطاطا ( نغسلها عدل عدل )
– علبة جبن شيدر
– علبة ذرة
– زبدة
– شوية ملح
– شوية فلفل اسود
نغسل البطاطا عدل
– نلفها بالقصدير
– ندخلها الفرن ( قبل ما ندخلها فالفرن نكون امشغلينه قبل بـ 10 دقايق على درجة عالية )
– نخليها لمدة ساعة و ربـع – نتأكد من نضوجها عن طريق غرس شوكة
– نقطع البطاطا ( بدون ما نقطعها بالكامل نصين ) = بس من فوق علشان نفتحها .
– نحط الزبدة في نصها و نبدا نهرسها بالشوكة بحذر علشان ما نخرب القشرة .
– بعدين نحط جبن شيدر ( بعد ما قطعناه قطع صغيرة ) و نهرسة مع البطاطا .
– آخر شي نحط الذرة و نخلطها مع هريس البطاطا و الجبن
– فوق البطاطا نحط جبن موزاريلا ( اذا مش متوفر تقدرين تحطين جبن كرافت السائل = يطلع روعة )
– اخيراً نحطها في صينية الفرن و نشغل عليها النار من فوق لمدة 5 الى 10 دقائق فقط .
بـــالعافيـــة عليــــكم … تحياتي لكم
.. دبلـــومـــاراتيـــــة …
كالعاده انا مخيمه ف عالم الطبخ
وكل يوم اجوف شي يديد
الصراحه يت ف وقتها
بدال ما نصك لين القريه العالميه ولا دبي مول وناكلها ^^
تسلمين الغاليه
وجاري التطبيق ^^
والمكونات كلها متوفره فأي مطبخ
تسلمين حبوبه على هالمجهود ^^
و تسلم إيدج على الطريقه الحلوه @@
واخيرا لقيت الطريقه
يسلم ايدج اختي ع الطبخه
يسلمو