احدى اطباق وصفاتى القديمه للمبتدئين فى المطبخ ارجوا ان تنال اعجابكم
راخ بالبطاطس فى الفرن ورز بالشعريه
الرز
كوباية رز نغسلها كويس
نحمر شويه شعريه فى حلة مع شويه زيت وزبده
نحط الرز ونقلب ونحط الملح لحد ما نحس انه اتحمر بس مايغيرش لونه
نضيف الماية المغليه ونغطى ونوطى عليه النار لحد ما يستوى
الفراخ بالبطاطس
فى الخلاط نفرم بصلة كبيرة و2 فص توم و2 طماطم قرن فلفل حامى ومعلقة صلصة وعلبة زبادى صغيرة وملح فلفل اسود بهارات فراخ بودرة ثوم بودرة بصل
نحط الخليط على الفراخ والبطاطس ونغطيى البايركس بالفويل وندخلها الفرن لحد ما تستوى
بشغل الشوايه علشان تتحمر شويه وتاخد لون مع اضافة حته زبده على الوش
ملحوظه ( احنا ما اضفناش اى ماده دهنيه ف الاول )
والف هنا وشفا