هاي اول مره احط طبخة من مطبخي… سويت هالطبق ع العشا والكل كل منه ومدحه
المقادير:
ديايه
5 او 6 حبات بطاطا من الكبار
كيسة سبانخ مفروم (مثلجة تحصلينها في الجمعيات)
بصله
كريمة الخفق مالت المراعي…( هنتين صغار مال بو 250 مل)
ملعقتين كبار جبن سائل
2 زبده من الصغار
مكعب ماجي
كيسه جبن مبشور
الطريقة : تبدا باسم الله
فوري اليايه وفتفتيها
فوري البطاطا لين ما ينطبخ زين… بيحتاجلة اكثر من ساعه
بعدين هرسي البطاطا مع 2 زبدة وحطي شويه ملح
الحين السبانخ… اغسليه واشخلي الماي عنه
الحين قلي البصل والدياي والسبانخ… وحطي بهارات (ملح وبزار) ومكعب ماجي
يوم تحسينه ذبل شويه… ضيفي ملعقتين جبن سائل و الكريمة المخفوقه… حطي علبه وشويه من الثانيه لانج بتحتاجينها
وخليها على النار لين تفور مع بعض
بعدين صبيها في بايركس
الحين كوري البطاطا المهروسه وحطيها فوق الخليط
اخلطي اللي بقا من الكريمة مع ملعقه جبن وصبيها فوق البطاطا.. ورشي جبن مبشور على الويه
حطيها في الفرن وطلعيها يوم بيحمر الوجه
وعليكم بالعافيه
ادعولي …لانه صراحه تعبت وانا اصور واعدل الصور واحملهن ع الموقع وانزل الموضوع… جزا الله كل بنت اتنزل موضوع مفيد خير يارب
يعطيج لعاافيهـ،
تسلم ايديج الغاليه
ولا تحرمينا من يديدج
تسلم الايادي ..انا من عشاااق السبانخ