مجبوس ( الزربيـــــــــان الهندي ) اتحدا حد يقاوم الطعم ^_^

وجمعتكن مباركه يا احلى سيدات

كـ العاده يبت لكم موضوع مميز ونكهه جديده

بحكم ان اليوم جمعه قلت انزل لكم الموضوع لاني احب اسوي المجبوس او بالاصح الزربيان الهندي كل جمعه مدري صارت عاده والاكثر وقت العزايم والمناسبات مثل الغداء والاعياد

بنات

ميزة الوصفه انها شوي دهنيه لما تحويه من بصل مقلي ولحم وتعرفون اللحم فيه نسبة دهون واكيد تقدرون تسوونه بالدياي

مثل ما انا منزله الموضوع

لكن نصيحتي لمن تجربونه جربوه باللحم لان خلاصة اللحم تعطي نكهه غير غير

طيب نبتدي بسم الله

انا هني بحط مقادير للكميه يلي اباها بس انتم تقريبا تقديريا بتسوون يعني تزيدون او تنقصون

كزبره مفرومه واوراق نعناع طازج وفلفل حار طازج *اختياري *

الطريقه :

اول شي نقلي البصل لين يصير احمر يعني مب اسوود ولا فاتح لالا نبي اللون يكون اغمج بدرجه للاحمر

نشله ونحطه بورق عسبت ينشف الزيت

وبجدر ضغاط احط قطع اللحم وكون مقطعه اللحم بحجم صغير مب يعني كبر حجم فخذ الدياي وحط عليه البهارات والثوم والزنجبيل ك نكهه ويخلي اللحم تنضج اسرع ^_^

والروب ونص البصل مب كله والبطاط ولو تبين حطي كزبره مفرومه يطلع احلى

مثل الصوره

نحركهم كلهم

الحين نرفع الضغاط على نار متوسطه لين نسمع الصفاره يطلع منها هواء مب قصدي ترفعون النار وايد لالالالا يعني وسط لاننا شوي وبنهدي النار عسبت يستوي ع راحته لو لحم افضل تحطونه من الساعه عشر الصبح ياخذ راحته في الطبخ

بعد نص ساعه جربي فتحي ولو لاحظتي ان اللحم صار اكثر من نص استواء بندي عليه ولو بعده رديه انا

الحين نفور الرز بس حاولي اقل من المعتاد لانج بتسوينه فوق اللحمه وممكن ينضج ويخترب عليج كل شي

شوفوا هني انا مسويه بالدياي كيف تغير لونه من البصل المغلي بس الريحه مااااااقدر اوصف لكم شي خياااااااااااااااال

عقب مايوصل لاكثر من نص استواء للحم نحط طبقة من الرز وبعدين نحط صبغة العيش شي بسيط لا تكثرون لان الروب من تحت بيعطيج لون

اخر شي حطي البصل المتبقي والكزبره والنعناع

غطي عليه ورديه ع نار هااااااااااااااااااااااااااااااااااااااااااااااااا ااااااديه
وخليه ينضج ع راحته

لجذه اقولكم الزربيان لاززم يتسوا بدرررررررررررررري من عشر تقريبا
لو دياي مابياخذ وقت بس الاهم ان تحاولون مايستوي الدياي لانه بيتفتت ويخرب شكل الرز

حتى الرز انتبهوا ينضج وايد وقت ماتسلقيه خليه بس يتغير حجمه وصفيه

بنات لو لاحظتوا الروب نشف زيدو ماي لانه لو احترق بيصير الطعم استغفر الله انتبهوا للنقطه هاي

واللي بتقول ماعندي جدر ضغاط مب مشكله سويه بالمحله بس حاولي بسرعه تسوينه لانه اللحم بياخذ وقت غطيه بالفويل عدددددددل وحطي فوقه تاوه عسبت مايطلع البخار

الحين لين ينضج جهزوا السلطه والاجار

وهني العيش نضج

شوفوا حبات الرز متفرقه والالوان متدرجه بصراحه اشهى والذ عيش بتذوقوه وتدعوا لي ان شالله كل ماسويتوه ^_^ لاتنسووووووووووووووووووون

هني وعافيه واي استفسار انا جاهزه