طبخات رمضان للسحور بالصور,اسهل اكلات للسحور بالصور,طبخات رمضان سهله بالصور
المقادير
دجاجة
2 بصلة كبيرة
4_5 فصوص ثوم
2 فلفل رومي ملون ( أو أخضر )
4 حبات بطاطس متوسطة
2_3 قرن فلفل حار
4 حبات طماطم كبيرة ( أنا استخدمت الطماطم الصغنون شكله أحلى )
شوية كزبرة أو بقدونس مفرومة
ملاحظة ( ممكن تحطين كوسة _ باذنجان _ جزر _ زهرة )
أنا ماحطيت لانه محد عندنا يحب الخضار فاكتفيت بالمقادير المذكورة ..
التتبيلة
( فنجان قهوة زيت نباتي _ م ص ملح _ م ص بهارات كاري _ م ص بهارات عادية _ ريحان مجفف _ م ص كركم )
الطريقة
1/ تقطعين الدجاج نصين أوأرباع وتغسلينهاكويس و تنقعينها في ماء + ملح + خل + ليمون لمدة ساعتين أو أكثر<< عشان الزنخة تروح ..
2/ تقطعين كل الخضار قطع كبيرة ( عشان ماينهرس عليك لما يستوي ) وتدهنين الصينية بزيت وترصين فيها الخضار بهالشكل ..
3/ تصفين الدجاج من المويه .. تخلطين الزيت بكل البهارات وتدهنين فيها الدجاجه .. وتحطينها بالصينية .. وترشينها بالبقدونس المفروم ..
4/ باقي التتبيلة تحطين عليها فنجال شاي ( مويه ) وتكبينها على الخضار ( عشان ماتنشف الأكلة في الفرن ) .. وتكتمينها بالقصدير ..
5/ تدخلين الصينية في الفرن لمدة ساعة .. بعدها تشيلين القصدير وتحمرينها من فوق ..
وبااس .. تنوكل بالخبز أو مع الرز الأبيض ..
هنآء وعافية
تسلممممييين على الوجبة
تسلمين ماقصرتي
يسلموووووووو ..
حلوة و نسويها تسلمين عالطريقة
تسلمين حبوبه ^^
راح اطبقها ان شاء الله
راح اطبقها ان شاء الله
