اشحالكن حريم وبنوتات .
تعبتن من طلب الشيش طاووق من المطاعم ؟؟؟
تعالن بعلمكن طريقة سهلة وسريعة ولذيذة وصحية من مطبخي ومن بآلي .*
طبعاً التتبيلة أنا بروحي سويتها ومن خيآلي .*
وكل وحدة ع كيفها تضيف النكهة اللي يحبونها أهل بيتها .*
هذي أول مرة أجرب الشيش طاووق بالفرن ( المتعارف عليه ع الفحم ) بس تدرون الدنيا صيف ويلسة الحوش تذبح وخصوصا إنه يا ع بالي ع الغدآآآآ .*
أخليكم مع الصورة اللي فيها الصور والمكونات .*
وركزوا ع آخر صورة بتشوفون صحني ملحوووس ههه .*
والطريقة إنج تحطين كل المكونات ما عدآآآ ( الدجاج ) بالخلاط العادي .*
وعقب اتييبين طاسة كبيرة تحطين فيها الدياي بعد ما ينغسل ويتقطع مكعبات .*
حطي عليه الخلطة وغطي عليه وخليه يوم كامل بالثلاجة .*
بالبآجر شكي بالأسياخ .*
ورصي الأسياخ ع صينية تدخل الفرن وشغلي عليه من فوق ومن تحت وكل شوي قلبي الأسياخ عسب يستوي عندج الدياي من فوق ومن تحت ومن داخل .*
نص سآآآآآآآعة أو ع حسب حرارة الفرن وقدميه .*
أنا قدمته مع العيش الأبيض والأصفر ( بودرة الزعفران مع شوي من ماي الورد )
وبالهنا والشفآ .*
دعوآآآآآتكم الصادقة لي 
تسلمين اختي
ان شاء الله بجربها
ان شاء الله بجرب الشيش طاووق خاطري فيه ^_^..
مشكووورة وجزاج الله خير الغالية ..
مشكورات خواتي ع المرور .*
شرفتوني والله .*
وبالعافية ع قلوبكم مقدماً
تسلم ايديج