محشي ورق عنب
السلام عليكم ورحمة الله وبركاته …
للي يحبون ورق العنب الحامض
المقادير ( تكفي غرشة ورق عنب ) :
2 كوب عيش مصري أو أمريكي
2 طماطم كبيره ( مقطع مكعبات صغيره )
3 بصلات ( مقطعات مكعبات صغيره )
ربطة بقدونس ( مفروم )
شوية نعناع ( مفروم )
نص كوب زيت زيتون
بهـارات حسب الرغبه
تخلط المقادير مع بعض وتوضع في مشخل ويلف ورق العنب بالخلطه
توضع في قاع الجدر بطاطس مقطعه دوائر ثم يرص ورق العنب في " الجدر " ثم تصب الصلصه + السوئل إللي نزلت من الخلطه
مقادير الصلصه :
نص كوب دبس رمان
1 ونص أو كوبين ماي
نص كوب زيت زيتون + نص كوب عصير ليمون
توضع عالنار حتى تلين ..
وبالعافـيــه
يمي معني قبل ماكنت احبه وايد بس من فتره قمت اكله
يعطيج العافيه
ويشهي تسلم الانامل
بفكر اسويه لريلي بالليل
الحين مسوية خلية نحل وفطاير ..
بصورها باذن الله خل اتخلص