"العيش بالخضار و البشاميل" .. لذيذ طبق اماراتي

السلام عليكم ..

رجعت لكم مرثانيه مع طبق يديد..

"العيش بالخضار و البشاميل" ..

هذا طبق سهل و لذيذ .. من كتاب منال العالم.. مع بعض التغييرات

مقادير العيش:

-3 كوب أرز بسمتي
-3 هال
-3 ورق غار

……………….

مقادير الحشو:

-4 ملاعق زيت
-1حبة بصل متوسطه مفرومه
-2 ثوم مهروس
– دجاج مفور و مفتت ( هو لحم أصلا بس انا حطيت دياي)
-خضروات مثلجه مشكله
-فلفل أحمر و أخضر مكعبات ( اختياري ) انا ماحطيت
-1 ملعقة ملح
-4/1 ملعقه ص فلفل ابيض
-1 ملعقه ص بهارات مشكله
-4/1 ملعقه ص كركم
-4/1 ملعقه ص هال مطحون
-2/1 كوب ماي
-كوب موزاريلا
-كوب شيدر
……………….

مقدار من صلصة البشاميل

…………………

الطريقه:

-اطبخي العيش في 10 أكواب ماي مع الغار و الهال..اشخليه و خليه.
-قلي البصل و الثوم لين يحمر..حطي الدياي..قليه عدل.. و ضيفي الخضروات..الملح..الفلفل..البهارات..وقليه ع نار قويه .. لييين يستوي..ضيفي الماي و غطي الجدر 10-5 دقايق..ع نار خفيفه ..
– جهزي صلصة البشاميل ..
– شغلي الفرن على 160 ..هاتي بايركس مستطيله .. ادهنيها بالزبده..حطي نص كمية العيش..و الحشو عليه..و حطي2/1 جبن الموزاريلا .. و2/1 الشيدر ..وزعي باقي العيش عليه ..صبي البشاميل..وانثري عليه باقي الجبن.
-دخلي الطبق الفرن .. 25-20 دقيقه لين يحمر الوجه ..

و هاي بعض الصور .. ماقدرت أصور كل الخطوات..

وفديتها .. أكيد هي أول وحده ..

وعليكم بالعافيه ..

ياعيني على طبخاتج الغاويه

تسلمين وفي انتظار اليديد

تسلمين إختى فراشة دبي على هاي الطبخة الغاوية وتسلم ها الأيادي حبوبه وباين عليها الأكلة لذيذه وعليكم بالعافية …

طريقتها سهله وشكلها لذيذ
مشكووووووره

مشكورة الغالية على الطبخة الحلــــــــوة

مشكوورة اختي عالطبخة اللذيذه

يم يممممممممممممممممم شكلها لذيذ يسلموااااااااا الغلا على الطريقه فديتها البنوته بالعافيه علي قلبها بنوتي بعد تحب الكريما والبشاميل وها السوالف

"العيش بالخضار و البشاميل" .. لذيذ طبق اماراتي

اترك تعليقاً إلغاء الرد