ارز باللبن للمطلقات

المطلوب

رز مصري + حليب سائل + سكر + ماء + 5 او 6 حبات صغيرة مستكة + قليل من الفانيلا + جوز هند أو مكسرات وزبيب أو قرفة للتزيين

بالنسبة للكمية

هاتي الاطباق الصغيرة اللي حتسكبي فيها الارز بحليب .. ومثلاً ضعي في نص الطبق رز ( قبل طبخه ) كل نص طبق حيعطيكي طبق كامل لانو الرز بيتضاعف حجمه .. يعني مثلاً انتوا شخصين حابة تعملي اربع صحون .. ضعي فقط طبقين من الأرز الغير مطبوخ بصيروا أربعة بعد الطهي ( ان شاالله تكوني فهمتي علي ) لانو هيك شغلات بالنظر الواحد بيعملها اسهل مع الوقت بتصيري لحالك تقدري الكمية المناسبة بس هاي الخطوة سهلة جربيها

والحليب هاتي لتر الحليب السائل .. وضيفي شوي شوي لما تحسيه الرز صار مغمور وزيادة شوووي بس

الطريقة
** اول شي ضعي الرز في ماء مغلي ويكون الماء كثير مالو عيار معين .. يعني يغطي الرز وزيااااااادة وخليه يغلي مثلاً عشر دقايق او زيادة شوي

** لما تشوفي الرز صار لين كتير .. اطفي النار وشيليه بمصفاية .. وهلأ ضعي الحليب مع المستكة و السكر ما في معيار للسكر حسب ما بتحبو حلو كتير او عادي ( دوقي الحليب حتى تحسي طعمو اوكي وحلو ) ازا لازمه زيادة سكر ضيفيله

** وبعدين ضعي الرز على الحليب وايضا اتركيه يغلي عشر دقايق

** صبيه في اطباق صغيرة ودعيه يبرد قليلاً وثم إلى الثلاجة .. واخر خطوة التزيين حسب ما بتحبي

ملاحظات

إذا كنتي بتحبي الرز يكون طري فيكي ما تخلي الرز يتشرب الحليب كتير اول ما يبدأ يغلي ويتشرب طفي الغاز.. يعني يضل المزيج خفيف وطري

إذا حبيبته جامد كتير فيكي تخليه يغلي لحتى يتشرب الحليب ..بس ما بنصح لأنو ممكن يتكتل معك والنوع الاول اطيب بكتيييييييير

وصحة وهنااا

وبس ،،
يعني انا مابطبخ الرز بالاول ،، مرة وحدة بس مع الحليب
و النتيجة لذييييذة ؛)