شربت شوربه في مطعم الصدف كانت رووووعه قالي اسمها اش كل شي فيها حمص معكرونه واشياء وايده ابا اعرف شقايل اسويها…
ويزاكن الله خير
ملحوظه:
روحي لعطار ايراني وطلبي منه عجينه الاش .. تكون مجففه باكياس نايلون … او اشتري الاله الي تقطع العجين الى شرائح طويله ..
واذا ماحصلتي وكنتي مستعجله تقدرين تفردين العجينه وتقطعينها بالسكين .. تكون بعرض 1 سم وطولها 6سم تقريبا والسمك يكون وسط … او ريحي بالك اواستخدمي مكرونه الفيتوشيني وكسريها واستخدميهااا …
المقادير
تقريبا تحتاجين نص كيس ( اذا كان حجمه كبير ) تكسرينها لقطع متوسطه الطول … ونص كوب رز ونص كوب عدس اخضر .. و3 بصلات مقطعه لجوانح … وعلبه حمص مسسلوق وعلبه فاصوليا حمرااا وبيضا مسلوقه … اربع فصوص ثوم مهروسه ..
شدتين خضرااا من المتوفر عندك ( بقدونس – كزبره – شبنت ) الي يصير المهم تحطين نوعين ..
لحم مقطع مكعبات … ليمون اسود صحيح – كمون وكزبره فلفل اسود – عصير ليمونه
الطريقة:
اول شي تحمسين البصل بالقدر وعقب تضيفين له اللحم والثوم وعقب تضيفين له الماء كنك تسوين مرق اللحم ..
واتركي اللحم ينضج زين .. وضيفي له البهارااات عقب ضيفي له العدس الاخضر والرز والليمون الاسود واتركيهم على النار يطبخون ولما يبدون يستوون ضيفي لهم عجينه الاش واتركيهم على نار هاديه وبالاخير تضيفين المعلبات ( الفاصوليا الحمرااا والبيضا والحمص ) وعصير الليمونه والخضراا … وحركي المقدار زين .. واتركيه على الناررر لين يكمل استوااا … والماءء لاحظيه اثناء الطبخ كل ما نقص زيديه بحيث تصير الطبخه مو ثقيله وايد ولا سائله كثير … يعني قوامها وسط … تقدرين تسوين الاش من غير اللحم لو ماتحبين اللحم بالاش …
في ناس تحب لون الاش احمر … تكون طريقته انك تسوين مرقه لحم بالصلصه عادي .. وعقب تضيفين له عجينه الاش ( كيس كامل ) والمعلبااات من غير الخضراااا والارز …
وعند التقديم تصبينه بطبق عميق ووتحطين فوقه بصل محموس بزيت غزير يكون مقطع لجوانح …
وبالعافيه ان شاء الله
نقلته لج من موقع افاق دبى الثقافيه
1/2 كيلو مكعبات لحم عجل
حزمه كبيرة من السبانخ المقطعه أو كيس مجمد
1/2 حزمة نعناع طازج مفروم
1/2 كاس كرفس مفروم او سلاري
كاس من البقول الجافة منوعه وتنقع ليله كامله في الماء (لوبياء -حمص- عدس – فاصولياحمراء- فول)
بصلة متوسطه مقطعه اجنحه
ثمرة طماطم متوسطه مقطعه اجنحه
قرن فلفل حار
2 ملعقة زيت
ماء ساخن
فلفل اسود
ملح
الطريقة:
في قدر الضغط البخار
تحمر البصله مع الزيت الى ان تذبل
ثم يضاف لها اللحم ويحرك الى ان ينشف ماؤه
وتضاف له ملعقة فلفل اسود وحبة الطماطم وقرن الفلفل
ويترك اللحم على نار هادئه
ثم تضاف البقول بعد تصفيتها من الماء وباقي المقادير الخضراء والماء الساخن
الى ان تغطي المكونات ويترك ليغلي
ثم يضاف الملح ويغطى القدر باحكام ويترك على نار هادئه لمدة ساعه
ثم تقدم شوربة الآش الخضراء