طريقة الباستا:
تحطين الكمية اللي تبينها من الباستا في ماي مملح مغلي وتتركينها لين تستوي وفي هالوقت تسوين الصلصة البيضاء
مقادير الصلصة:
ملعقة كبيرة طحين
ملعقة كبيرة زبدة
ربع ملعقة كبيرة ملح
رشة بهارات او فلفل أسود مطحون
كوب حليب
تخلطين كل المقادير ماعدا الحليب على النار ومن ثم تبعدين القدر من النار وتضيفين الحليب مع التحريك المستمر ومن ثم تعيدينه على النار لمدة دقيقة ودقيقتين لو طلع الخليط غليظ زيديه حليب
الباستا طبعا تشخلينها وتحطين عليها شويه زيت زيتون
بعدين تصبين عليها الصلصة وتحطين عليها البستو الجاهز
مقادير البسبوسة:
كوب سميد ناعم
كوب جوز الهند مبشور
كوب سكر
نصف كوب زيت
بيضة
ملعقة صغيرة باكنج بودر
الطريقة:
تخلطين المقادير كلها في الخلاط الكهربائي او باليد
تسخنين الفرن على حرارة 180 مسبقا لمدة 10 دقايق
بعدين تنزلين الحرارة لين 150
تصبين الخليط في وعاء وتزيينييه باللوز الكبير او المبشور انا اللي كان متوفر عندي اللوز المبشور
تدخلينها لمده 25 دقيقة او لين ما تشوفين الاطراف خذت اللون الذهبي
بعدين تشربينها بالقطر البارد
مقادير القطر
كوب ماء
كوبين سكر
قطرات من عصير الليمون
قليل من ماء الورد
طبعا يوضع السكر والماء وقليل من ماء الورد في الاناء ويترك لما قبل الغليان وتضيفن له قطرات الليمون
وبالهنا والشفاء
يعطيج العافيه حبوبه
وثانكيوووووو ع الطريقه..
تسلمي رووعه الباستااا