كيكي فااااااشل والحل؟؟؟ للمطلقة

مرحبا سيدات الامارات

خاطري اسوي كيك نااااجحانا ما عرف اطبخ بس احب اسوي حلويات شي يضبط وشي لا والكيك طفربي اكثر من 10 مرات جربت اسوي كيك كله فاااااشل يا يكون شرات القرص يا ريحته بيض مع اني احط قشور برتغال ولا يكون منفش

منو بتعلمني كيف اسوي كيك نااااجح بطريقه سهله ومكونات سهله وشو الاشياء الاساسيه لضمان ان الكيك يكون ناجح ^^

شوفي الغلا انا كنت مثلج لكن في النهاية حصلت طريقة سهلة واااااااااايد وما تاخذ منج وقت أبد

المقادير:
2 بيض
نصف كاس سكر
نصف كاس زيت
نصف كاس حليب نيدو سائل

تخلط هذه المقادير بالخلاط جيدا
ثم نضع عليها كاس دقيق +ملعقة بيكنج بودر ( ممكن تحطي نسكافيه او كاكاو على حسب النكهة اللي تحبينها)

ثم تخلط جميعها بالخلاط وتوضع في الفرن لمدة 35 دقيقة على نار هادية

ان شاء الله تكوني فهمتي علي
وبالعافية

الله يعطيج العافيه الحين بسير وبسويها و ان شاء الله تضبط ^^

قوليلي رايج بالكيكة وشو اذا ضبطت معاج والا لأ

هلا حبيبتي…

اختي أنا كنت مثلج فاشلة في الكيك… كله مستعيلة وافتح الفرن كل شوي أو أزيد الحرارة علشان اخلص بسرعة بس تعلمت بعض القواعد والحمدلله.. صرت ماستر في الكيكات…
قواعد بسيطة لنجاح الكيك…

1. اتباع المقادير بالضبط يعني لا تقولين بزيد طحين ولا بنقص زيت..
2. توضع المنكهات مثل قشور الحمضيات.. الفانيليا.. عصرة ليمون.. هال مطحون.. مع البيض ولا توضع لاحقا
3. تخبز الكيكة على نار هادئة دائما.. أما الحرارة العالية تجعلها جافة
4. دائما عند خبز الكيكات لا نفتح الفرن خلال 30- 40 دقيقة الأولى حتى لا تهبط الكيكة..

يعني الموضوع يباله طولة بااااااااااااااااااال ..

والله يوفقج..

الحمد لله واخيرا ضبط الكيك عندي
ما قصرتي اختي فقيرة ^^
وها النتيجه

انا خليتها ساعه ما طاعة تحمر بسرعه ^^
شو رايكم

مشكوره ما قصرتي بتبع هاي القواعد ^^