توني قبل فترة خذيت طريقتها من عند وحدة من الأهل
و طلعت رووعة
و قلت بصور و نسيت !
عالعموم
تحتاجين ربع كيلو لحم مفروم لكل خبزتين لبناني..الحجم العادي
و لازم لحم مفروم من الملحمة..(مب المجمد ..سويته ما يضبط)..لأن اللي من الملحمة يي مثل العجينة
المقادير:
– 4 خبزات لبناني..يكون من النوع اللي سهل يتبطل..مثل خبز الصفا..
– نص كيلو لحم من الملحمة
– بقدونس مقطع صغير..كميته تكون قليلة ما تغطي عاللحم
– بصل مقطع صغير..مثل كمية اللحم
– طماطم مقطع صغير..نصف كمية البصل تقريبا
– فص ثوم مهروس
– ملعقة فلفل أسود
– ملعقة سماق..إن وجد
– ملعقة ملح
تخلطين جميع المقادير السابقة و تفرشينها بداخل الخبزة بشكل رفيع جدا..يعني مسح تقريبا..
و تسكرين الخبزة و تمسحين طرفينها بالزيت الزيتون
تحطين الخبزة في ألمنيوم و تسكرينه من جميع الأطراف
و تحطينه بالفرن لمدة ساعة على نار هااادية
تطلعينها و تقطعينها لمثلثات..لو بالمقص أفضل..
و إن شاالله تضبط معاج
و حياج
بس انا ما احط الخبزه بقصدير عشان نحبها يابسه
و اختي تقدرين تحمسينها عالتاوه اسرع لول
تسوين كيما (لحم مفروووم) ويا بصل وبهارات تسوينة عادي ناشف
وبعدين تيبين خبز لبناني كبير وتقطعينة مثلثاث سهل تقطيعة تقطعينة شرات الكيك مثل علامة زايد وبعدين تصغرينة
وبعدين تحطين في كل مثلث كيما بالملعقة وتحطينة بالتوستر المشخط العادي مب مال الصمون المربع لا العادي سيدة
اتمنى وصلت الفكرة هههههههه
هاتي نص كيلو لحمه مفرومه وفنيان من الماجي السائل وملح مع فلفل اسود وفرمي بقدونس
وحطيهن ف خبز الشاورما
ودهني صينيه بسمن المراعي وبعدين قلبيهن لين مايستون زيين
وسوي عداله صحن حمص
وبالعافيه
مع بصله مفرومه