4 دروس nail art من اعداد دبي العز لتعتني بشعرك

شحالكم بنوتات

https://forum.uaewomen.net/showthread.php?t=906890

انا وعدت العضوات اني احط لكم دروس رسم على الاظافر وتأخرت واييد عشان جييه قررت احط دروس كنت مسويتنها من زماااااااااااااااااان لمدونة من المدونة وان شاء الله يوم افضى اسوي لكم دروس يديدة لان هالدروس صارلها سنة ونص يمكن ما ادري سنتين واستخدمت الظفور التركيب للشرح لان المدونة ماكان نسائي

المهم اول شي نبتدي

بالأدوات

العضوات وايييد مهتمين ومركزين بشيء اسمه ادوات ووايد متعبين عمرهم مع ان تشوفون حسب موضوعي الي حطيته اغلب الصور بدون ادوات تصدقون

بس بحط لكم الأدوات الي ممكن نستخدمها

انا طلبت لي الفرش الخاصة المجموعة الكاملة لاني ابا اوصل مرحلة الاحتراف التام << اهم شي الاحتراف التام
وابا شغل دقيييييييييق
عشان جييه الي حابة هالشي من اولها تشتري هالفرش

ونقدر نستخدم فرشاة الاي لينر سواء الفرش الخاصة بالاي لينر والا الي تكون مع الاي لينر اذا مخلص استخدمي الفرشاة

في اقلام اسمهم nail art pen بعد تقدر تطلبونهم من المواقع انا اصلاً بديت اتفنن بإستخدامي هالشي لان جداً سهل في الاستخداااااااااااااااااام مثل الكوركتر ترسمين فييه بسهولة وحسب تجربتي في الخليج ممكن نلقى الاقلام الخاصه بالرسم بس كلهم جيب كوالتي للاسف وما ينفعون بالعكس يخلونج تكرهينه احسن نوع هذا

نستخدم عود الاسنان والله الفترة الاخيره صرت استخدمه بزيادة خخخخخ اسهل واريح وحاولوا يوم تشترون العود تدورون الي يكون شوي متين مب ضعييف خخخخخ احسن واريح

ماعليكم من برج ايفل الي ورا خخخخخخخ

تقدرون بعد تشترون فرش الخاصة للرسم العادي تدورون الضعيييييييييف منه

وفي بعد الصبغ الي اييكم بفرش ضعيفة

صدقوني انا ما تهمني الادوات انا في اي زمان ومكان برسم حتى مرة كنت بيت عمي واستخدمت الابره بس الشغل محتاج شوي تركيز وثقه

وعلى فكرة انا افضل عود الاسنان ومجموعة الفرش الي طلبتها لان احياناً تحتاجين الوان وما تكون متوفره من ضمن كولكشن nail art pen ولا الباقي والسوالف الخاصة بالرسم عشان جييه هالاثنين احسن شي للرسم

وانا قبل كنت استخدم فرش المكياج الخاصة بالعيون خخخخخخخخ بس فريتهم كلهم لاني ما حافظت عليهم ولاني طلبت مجموعة يديدة خاصة بالرسم

نوعية الصبغ:

مب مهم تشترين ماركة معينة ولا نوع معين من الصبغ المهم الصبغ ويكون لونه حلو وقوي انا استخدم ماركات معروفة واستخدم ماركات عادية
استخدم استي لودر وانجلوت …الخ استخدم مال كليرز استخدم نيفيا ومشتاقه مال سنتر بوينت واستخدم ماركات الهنوووود المهم النتيجة

نظافة الشغل ودقته:

والله اني اول ما بديت ارسم ايدي ولا رقاصة مب قادره ارسم لاني ما كنت متعوده فكنت اضطر استخدم طرق تخلي شغلي نظيف ومرتب بس مع الوقت تلقين عمرج اتقنتي الشيء

للفرنج قبل كنت

استخدم اللزق الشفاف

او

بلاستر

او الي اييكم مع عدة الفرنج منيكير

ملاحظة: ما يهمني اني اخيس صبوعي وايدي كل شي خله يتوصخ بالصبغ المهم ظفري يكون نظيف ومرتب واخر شي بعد ما اخلص ايلس وانظف المصايب الي سويتها سواء بالريموفر ولا اقشره بايدي لان الصبغ مستحيل يثبت عالجلد خخخخ

المهم الحين بحط لكم دروس

وان شاء الله تعجبكم الدرووووس وتكون واضحه وسهله لان اغلبها مافيها شي

وان شاء الله بسوي دروس للاشياء الي طلبتوها مني

تابع

( محد يرد)

1- الأدوات والالوان الي استخدمتها
اول واحد صوب اليمين هذا صبغ شفاف بس هو جيه لونه بس عالظفر شفاف
ثاني واحد صبغ فوشي
ثالث واحد صبغ وردي
رابع واحد مال امه داعي ما استخدمته
خامس واحد البيس كت يعني هذا اول واحد استخدمه قبل ما اسوي اي شي وبعد ما يجف ابتدي الشغل

2- هني حطيت البيس
3- سويت فرنج ومب شرط يكون مرتب لاني بنقط فما يبين ذاك الزود
4- عود الاسنان وعليه صبغ فوشي اخذه من الفرشاة خخخخ
5- بديت انقط
6- نحط نقطة << لا والله خخخخخخخخ
7- بديت ارسم الوردة ابتدي حطي نقطه وسحبيها على برع شوي شوي بشكل رقيق وغير مبالغ فييه
8- رسمت الوردة بشكل كامل وحطيت فصة في النص عشان تبين احلى
9- رسمت وردتين عالجوانب نفس طريقة الوردة الي سويناها فوق
10- حطيت صبغ شفاف عشان احافظ عليهم وعشان يعطي لمعة حلوه

وبعدها كل وحدة وذوقها وكييف تكمل باقي ظفورها

ملاحظة: اثبت الفصوص بعد ما احط صبغ شفاف واحط الفصه بسرعه

1- الالوان الي استخدمتها
من صوب اليمين صبغ اخضر والي بعده فوشي والي بعده وردي فاتح والي بعده البيس كت بس مايل للوردي والاخير صبغ فييه لمعه

2- حطيت البيس وحطيت اللمعة فوقها

3- النقطة في النص

4- رسمت الوردة

5- سويت لها اوراق

6- رسمت ورده عالزاوية تحت

7- رسمت وردة عالزاوية الخارجية

8- الشكل النهائي بعد ما حطيت الصبغ الشفاف

وبعدها انتي وذوقج

1- الالوان الي استخدمناها

من صوب اليمين اول شي ابيض وعقب شفاف وعقب هذا الي اسمه nail art pen ابيض واسود واحمر واصفر

2- البيس
3- الفرنج بالابيض
4- نقطنا بالاحمر
5- هني سوينا دائرة بنص الظفر تقدرون بعد تقطرون من الصبغ نفسه قطرة شوي كبيرة وتوزعونه بعود الاسنان بشكل دائري مايل للبيضاوي << ما عرفنا دائري ولا بيضاوي خخخخخ
6- رسمنا الاذن بشكل مثلث عالصوبين
7- رسمنا 3 خطوط صوب اليمين و3 خطوط صوب اليسار ونقطنا بالنص
8- رسمنا الفيونكة اول شي نقطون بالنص بشكل شوي كبير بعدها نحط مثلث عالصوبين وتتحول فيونكة
9- طبقت الخطوات لين رقم 4 وحطيت فيونكة ثلاثية الابعاد وثبتها بالصبغ الشفاف << ماله داعي الصمغ الخاص فيه الصبغ الشفاف يثبته
10- الشكل النهائي

1- الادوات

من صوب اليمين هذا فيه فصوص تقريباً بأغلب الالوان بعدها البيس كت وبعدها الصبغ الاحمر

2-البيس
3- صبغت نص الظفر بشكل مايل
4- طلعت الفصوص الي اباها عشان اثبتها بسرعه عالظفر
5- حطيت صبغ شفاف وبديت احط الفصوص بشكل شوي سريع وعشوائي مب شرط من البداية يكون مرتب بخط سيدة
6- بعود الاسنان احرك الفصوص بشكل اخليهم على خط واحد وارتبهم
7- احط صبغ شفاف فوقه وفوق الفصوص عشان يثبت وما يطيح
8- الشكل النهائي

اتريا التطبيقات

والسموحة