3 مشاكل في اختيار الوان الصبغ..ساعدوني في قراري عروس الامارات

السلام عليكم خواتي

ادري يمكن تكونون مليتوا هالنوعية من المواضيع ..

بس ماشاء الله احس شي بنات وايد دارسات ديكور وممكن يفيدونا..

الله يسلمكم انا بعد فترة بسيطه بنتقل بيتنا القديم اليديد ههههه ( هو بيت اهل ريلي الجديم بس الحين نحن سوينا فيه صيانة كامله وان شاء الله بيرد يديد)

لكن في نفس الوقت تأثيثنا وديكوراتنا بتكون ستاندرد و نفس الوقت مرتبة .. لأنه بنسكن لفترة مؤقته ( نتريا القرض)

بعد هالقصة الطويلة العريضة ..

انا عندي 3 مشكلات المتفجية تيلس تفكر لي ..

1- غرفة نومي نوعاً ما بتكون صغيره او معقوله الحجم بشتري لها غرفة نوم سمبل بحيث ما تترس المكان .. شو لون الصبغ اسويه انا بسوي يدار واحد ورق جدران بس الباقي لا .. وبصراحة انا كارهه البيج . لأن مكاني الحين كله بيج

2- الصالة .. الكنب مالي لونه ماروني وبيج .. بعد شو اصبغ الصالة ؟؟ بعد بييج ؟ لاعت جبدي منه

3- عندنا صالة طووووويلة شبه ممر على اوسع كل الغرف اتطل عليه .. ما بحط فيه قعدات بس اللهم مناظر و ممكن في زوايا احط قعدات خفيفه .. بعد شو ينصبغ هالمكان ؟؟ يحيرني وايد

في انتظاركم ياريت حد يساعدني

بالنسبة لغرفة نومج حطي ورق جدران كامل يعني الكتالوجات يكون فيها ساده ومشجر بنفس اللون احسن علشان ما يدور راسج ونصيحتي لاااااااا اتحطين المشجر ورا السرير لان بتتبهدلين مع المفارش اي مفرش مشجر ماااايطلع حلو حطي المشجر ورا الستارة والستارة تكون سادة انا غلطت ولاااايعة جبدي ويا المفارش كل ما احط مفرش ما يطلع حلو
والقنفات الماروني اممممم ممكن تصبغين الاصفر الزبدي (يعني لون الزبده) بيكون حلو ويناسب على كل شي نفس البيج
والممر اذا تابع للصالة لازم تصبغينه نفس لون الصالة وحطي فيه مرايا علشان يبين وااااسع

تسلمين اختي الجودة ما قصرتي وزين نبهتيني على سالفة ورق الجدران ..

بالنسبة للمر .. هو ممر طويل ومنه فتحه اتودي على الصالة .. وصدقج احسه لازم يكون نفس اللون مع اني وايد كارهه اللون البيج لاعت جبدي منه ..

في انتظار المزيد

للرفع

اصبغي الصالة و المرر بنفس اللون عشان يكون في تناسق

سويه بلووووون الاخضر الفستقي مع بيج بيكون شرات الحديقة بيج و ماروني و اخضر
بس يباله تدورين طريقة فنتك تدمجينهم مع معض

مادري هذا اللي طلع معايه خخ ادري انج كارها البييج بس احلى الالون مع الماروني الاخضرو البيج

^^

ان شاء الله البنات يفيدونج

فكرت وايد في الفستقي انه اخلي للصالة الطويلة ..

بس كيف ممكن احطه في صالتنا وايي متناسق مع الكنب مب متخيلة الصراحة ؟؟

يعني مااحس حلو انه الجدران الي فيها الكنب تكون كلها فستقي صح ؟

على قولتج يبالها حد يفهم عدل كيف يدمجهم

نحن عندنا الميلس بالعنابي والأصفر ومتناسق ، شوفي درجات الأصفر

والحين صبغنا الصاله بيج وصدقج لون ممل ما كان على كيفي ، أنا كنت صابفه الأصفر إللي لونه غامج مثل الهمبا (ههههههه ما أعرف أشبه ) بس كان اللون وايد حلو مع البني