شخباركم.. انشالله بخير وعافيه..
انا امس فتاريخ 27_12 كملت سنتين ع زواجي (باركولي) وايد مستانسه والله
انا معرسـه وللحين ماحملت والحمدلله ع كـــــــــل حال
في ناس حملت وسقطت فلازم تشكر ربها لان في ناس ماعرفت وماحست بالحمل للحين ..الله كريم
اكيد اغلبكم يسأل ليش ماحملت للحين..
بقول لكم قصــــــتي..
انا من كملت 3 شهور ع زواجي تميت اروح العيادات عشان موضوع الحمل واغلب العيادات كانوا يقولون لي مافيج شي مووول فقتنعت وعقب ماكملت سنه وماصار حمل قلت بروح انا وريلي الهــند لان ريلي يبى يفحص هنـــاك وانا رايحه بس مرافقه وياه(المهم) وانا بالهنــــــد اهناك طلبت من الكافتيريا مالهم وتسممت وبطني عورني وتميت ارجع بشكل فضيع وشافني الدكتور وقال تسمم بالاكل (عافان الله من اكلهم) تبت خلاص اني آكل من الكافتيريا عندهم ….
المهم وعقب قال الدكتور لازم باجر تسوي غسيل معده انزين ورحنا المستشفى وبالمره ريلي قالي احسن سوي فحوصات شامله عسب نطمن … وسويت وطلع عندي تكيس وااايد وسويت منظار والدكتور قالت لي 3 شهور بالكثير وبيصير حمل باذن الله
شوفوا كيف (سبحان الله) انا رايحه بس جي وي ريلي والله كاتب اتسمم عسب اسوي فحوصات واسوي عمليه سبحان الله والله … المهم عقب ردينا البلاد وكملت 5 شهور ع العملية وماصار حمل المهم قلنا بنرجع الهند عسب نراجع… ورجعنا لهم وريلي قال انا بروح افحص عند دكتور اوكي وسبحان الله طلع عند ريلي انسداد بالانابيب وسوا عمليه ونجحت ولله الحمد والدكتور قال له يبالك فوق 3 شهور وانشالله بيصير حمل
الحين ريلي كمــــــــل 5 شهور وانشالله خيــــــر
انا من خلص رمضان سبحان الله كله احلم بنات واحلام حلوه وااايد استانس واتفاءل وبتفاءل لاني ادري ان رب العالمين يختبر صبر الانسان
انا مابقول لكم اني مااضايج واصيح فترات بس بيني وبين نفس مااخلي ريلي يلاحظ وادعي ربي ان مايحرمني من الذرية …
والحمدلله احين من جم شهر مداومه ع الاستغفار وسورة مريم والبقرة وربنا كريم
هالشهـــــــر وايد تميت اصيح وانا اصلي دايم ادعي ان ربي يرزقني بهالشهر عشان ابشر ريلي بيوم زواجنا (وتكون هذي احلى هدية) بس الله ماكتب بس انشالله كل تاخيره فيها خيره
أهم شي انا وريلي راضين وواثقين (انا رب العالمين بيرزقنا) ومابنفقد الامل باذن الله
بنات مــــــابي منكم شي بس دعــــــــوة بظهر الغيب (لأختكم Bnota2 ) وانا انشالله مابنساكم بدعواتي وربي يرزقنا جميعا
سوري اذا طولت عليكم ,,,,,,,
يالله ياكريم يارزاق ياوهاب (ارزقني وارزق جميع خواتي المحرومات) بسنه2017 اللهم آميييين
ربي لاتذرني فردا وانت خير الوارثين
ماشاء الله حلو صبرج وصدقيني ربي بيعوضج …
وانا شراتج باجر بكمل سنتين من عرست ومثلج رحت الهند عشان التكيس وسويت منظار واتريا رب العالمين يرزقني ويرزقكم كلم يااااااااارب العاالمين
ما يخلص 2024 الا وانتي حااامل
واختي منى بعد وياااج
وجميع المحرومات ياااارب
المشاركة الأصلية كتبت بواسطة خطيرة الملامح 
ماشاء الله حلو صبرج وصدقيني ربي بيعوضج …
مشكورة ع الدعوة حبيبتي
انشالله ربنا كريم وماينسى عباده
وان شاءالله تبشرينا قريب بخبر حملج ان شاءالله
المشاركة الأصلية كتبت بواسطة أشواق_دبي وانا شراتج باجر بكمل سنتين من عرست ومثلج رحت الهند عشان التكيس وسويت منظار واتريا رب العالمين يرزقني ويرزقكم كلم يااااااااارب العاالمين
يالله انشالله ربي يرزقنا جميعا مع بعض وكل وحده تبشر الثانية جريب
اللهم آمييييين