25 – 1 – 2024 يصادف يوم الأحد لجمالك

السلام عليكم و رحمة الله و بركاته

اخواني و اخواتي اللي في المدونة او خارج المنتدي

احببت ان اخط كلماتي هذه في يوم الأربعاء الموافق 14 – 1 – 2024 بعض الكلمات التي احب ان اعبر لكم فيها عن شعوري،

لا اعلم هل هو شعور فرح بزواجي ام حزن لفراق امي و اخوتي
لا اعلم هل هو شعور فرح بحفلتي او حزن لدخولي حياة جديده

انني افرح و احزن في نفس الوقت

احس بالخوف و الرعشه نوعا ما حينما اتذكر بقرب زواجي الذي يصادف يوم الأحد الموافق 25 – 1 – 2024

الحمدلله

لقد انهيت تقريبا كل اشغالي من زهبه و فستان و زفه و قاعه و كوشه و و و و الحمدلله على اية حال،،

اللهم يسر امري و اسعدني و ارزقني بالذرية الصالحه و ارح قلبي و ابعد عني الهم و الحزن و عن جميع اخواتي المسلمين ،،،

احب ان تنصحوني او تدعولي اخواتي و انا بانتظار ردكم من ادعيه او نصائح او حتى بتهنئه بسيطه ،،

و الله يتمم على جميع العرائس بكل خير،،،،

فديت رووحــج انا
اول شــي مبــرووك على الزواااج
الله يتمم عرسـج على خيـر وبركـة
شوفي من الحين لين يوم العرس دلعي عمرج
بمعنى .. لا تسوين شي .. خلي عمرج ملكه
وإذا احد تفسلف عليج وقالج سيري طبخي او سوي شي
قوليله لأأأأ انا عرووووس ولازم ارتااااح خخخخخ
الكل بيضحــك عليج وصدقيني سوالف وجيـــه .. وشي ثاني
هل الأيـــام سوي الي تبيـــنـــه .. سهري على كيف كييفج ..
اقرضــي على كيف كيييفـــج … تخبلي على كيف كيييفـــج خخخخ
ياربي تذكرت ايام قبل هيئ هيئ هههههههه تخبلت الحينــه
المووهيــــم
نصيحتي <<— ياماما بسـج نصايـــح
خلـــج كــووووول .. واذا يالتــج صيــحــه قبل فتره من العــرس
حاولي تغيري جووو انا جذه سويــت عسب ماييلي اكتئــاب هع
يالا موفقـــه .. صحيح .. كان في موضوع وايد حلوو عن الليله الاولى
وآآدابهــا .. احيد سويتلها برنـــت وعطيتها حق ريلي عسب يستفيـــد
انا بدور عليها واذا حصلتها اكيد بعطيج .. اذا لأ انتي دوري عليها موجوده
هني في منتدى دليل العــروووس بس ماعرف اي صفحـه عاد انا شفتها على شهر 12

اتمنى لـــج حيــاه سعيــــــــــــده ^_^

أنا عرسي في .. شهر 4 ..

واحس بنفس شعورج ..

يالله ربي يوفقج ويوفقنا انشالله ..

وتطلعين أحلى عرووووس ..

لا ترتبكين .. وخلج مرتااااحه .. لأنها ليله فالعمر ..

منه المال ومنج العيال .. ^_^

مشكووره حبيبتي

انتي بعد مبروك عرسج جريب شكله،،

مشكلتي حبيبتي ما ارقد الليل احس وايد اسهر من التفكير و يهي ذبلان ولا اشرب ماي وايد،،،

الله يكون فالعون و مشكوره على المروووور

مشكوره حبيبتي على النصايح

احس شخصيتج فني حلوه وايد

الله يسعدج حبيبتي

ولو لقيتي عن موضوع اداب اول ليله طرشيه حبيبتي

وربي يوفق الجميع

مبرووووك حبيبتي و ربي يتمم عليج ابخير فديتج

و مشكوووره عالنصيحه،،

انا كثر ما اقدر اخلي نفسي ريلاكس

والله يوفقج حبيبتي و يوفق الجميع