بسم الله الرحمن الرحيم
السـلام عليـكم ورحمة الله وبركاته
هذا تفصيل رحلتنا إلى سكي دبي – امارات مول
واسمحولي على الصور ،، في منهن مهتزات ومب واضحات ،،
معلومات وتفاصيل في هذا الرابط:
https://www.skidxb.com/Arabic/
طريقة الوصول إلى مول الامارت
شارع الشيخ زايد، مخرج 39 (تقاطع رقم 4)، بإتجاه البرشاء.
واليكم التفاصيل ،،
طلعنا تقريبا الساعه 3 من مدينه العين ( 4 سيايير ،، ما شا الله )
درجه الحرارة 42 ؟!
ولد اختيه مندمج مع الرسوم ( حياة اليهال كلها رسوم ! )
وصلنا لمول الامارات ، ورحنا صوب سكي دبي ،،
وهذي صور من برع
بالنسبه لنا رحنا الحديقة الثلجيه طبعا ،
يتبـع ،،
اسعار التذاكر ( للحديقة الثلجيه )
الكبار 80 درهم
الضغار 75 درهم
بالنسبه للوقت فهو مفتوح طول اليوم ! يعني بدون ساعات ،،
حجزنا التذاكر مع اللوكر ( اللوكر ايجاره بـ 20 درهم والتأمين 10 دراهم )
صوره للتذاكر مع كرت اللوكر
صورة لـ اللوكر
صور للمدخل ،،
يتبـع ،،
وفي سينما ،، تعرض افلام للحيوانات اللي تعيش في القطب والمناطق البارده ،،
السينما من داخل
الجهه الثانيه وهي صوب الحديقه الثلجية ،،
مكان يتزحلقون فيه اليهال ( طبعا اكيد لعبت وياهم وتزلحقت ههههههه )
وهذا برج المراقبه واايد حلوو رركبته وبراويكم الصور عقب
وهذا سلم صغنون ،، يودينا فوق ونتزحلق من فوق شرات مالت اليهال بس أكبر طبعـا
ولازم يكون ويانا شرات هذي > ما اعرف شو اسمها <
نصف طابور ويعطونا ونتزحلق مره وحده بس وعقب نرد نصف طابور ( ماكان زحمه الحمدلله )
يتبـع ،،
هذي الصوره للمكان اللي نتزحلق فيه لكن من الجهه الثانيه ( ترا سكي دبي مقسم اقسام ،، احنا بس دخلن الحديقه الثلجيه لاننا ما نعرف نتزلج شراتهم ! )
الحين صوب برج المراقبه ،،
هذا الدري اللي ينزلنا من برج المراقبه ويودينا فوق ( ضيييج ،، بس الحمدلله نحن عصاقيل نقدر نخش فيه 
)
وهاي صوره من فوق البرج بعد ماسويت زوم ،، والصوره فيها لعبه بعد زحلقانه )
صوره أقرب للعبه بس من تحت يعني هب من برج المراقبه ،،
يتبـع ،،
لعبت كل شي الا اخر لعبه ،، ما خليت فخاطريه شي ،، وووايد حلوه حق اليهال والعايلات ،،
عقبها سرنا نتعشى في مطعم هندي فوق صوب المطاعم ،، لذيييييييييييذ والله كل ما اتذكره اشتهييه ،،
جوهم رومسني ماشي اضاءة وايده
صوره للمطعم
صوره لبعض الطلبات اللي طلبناها > ما لحقت اصورهن كلهن ما شا الله وايدين نحن ومن يابوه علطول كلوو ما شا الله هههههه انا بس خذت اقرب صحون عدالي وصورتها بعدين سميت وكلللت ،، البرياني حار شوي يعني فيه فلفل بس التندوري عادي وكلللللللهم حلوييين ،،
مع سفن آب بااااااااااااااااااارد يبرد على الفلفل ،،،
وخلصت رحلتنا ،، لعبنا وردينا ماسرنا نتشرا لان المشترا يباله يوم كااامل ،، وجيه 
ربي يحفظكمـ
أماراتيــــــــة أفتخــــــــــــــــــــــــــــــــــــر ….. هــاي دولتنـــــــــــــــــــــــــــــــــــا الحبيبة ……
بس احين المكان وايد احلى الله يعطيج العافية ع التصوير والتقرير ^^