مرحبا فيكم شحالكم مثل مانتوا شايفين عنوان الموضوع عيش المعاريس
مثل مايسميه كل من يذوقه .
هذا العيش او عيش ولحم أو عيش الدجاج أحب أسويه في مناسبات معينه
مثل أول يوم الرمضان الله يعوده علينا وعليكم وأول أيام العيد…….
::
::
::
::
.•.°.•ஐ•||[ المقادير]||•ஐ.•.°.•
عيش حسب الكميه إلي تبون :: لحم أو دجاج طبعا استخدمت الدجاج:: بهارات حب وبهارات مخلوطة
::أوراق الكاري :: ماجي الدجاج :: شوي ثوم وشوي بصل طبعا هاي مقادير العيش:: ملح وزيت
هيل حب ….
.•.°.•ஐ•||[ مقادير الحشو ]||•ஐ.•.°.•
نخي حب مكسر ومفور :: بصل مقطع :: ثوم وزنجبيل مدقوق ::مكسرات مشكلة :: بطاط مقطع مكعبات ومقلي::
زعفران مع شوية بودرة زعفران مخلوطة ويا ماء ورد ….
.•.°.•ஐ•||[ الطريقة]||•ஐ.•.°.•
نفور الدياي في جدر ونحط علية شوية بصل وثوم وملح وماجي وبهارات حب مشكلة وهيل أوراق الكاري
بعد ما يستوي الدياي نحطة في طاسة وندهنة بالزعفران ونخليه على جنب
الماي مال الدياي إلي في الجدر نحط عليه العيش ونخليه ليما يستوي العيش عدل ونص أستوى ونشخلة
…..في الجدر العيش نحط شوية زيت ونحط طبقة عيش بعدين شوي زعفران وبهارات مشكلة وبعدي الطبقة الأخيرة من العيش وفيها الزعفران وبهار مخلوط…
::نقلى البطاط وبعدين الدياي
في جدر ثاني للحشو ناخذ البصل ونحطة في الجدر من دون زيت يعني نشوحة مع شوية ماي لين ما يغمج لون البصل وكل ما ينشف الماي نحط رشة ماي للبصل حتى نوصل للون المطلوب ..
وبعد ماشفنا اللون اشقر أنحط الزيت على البصل والمكسرات علشان يقلى عدل وبعدين الثوم والزنجبيل
ومن ثم النخي المفور ونحط البهارات عليه فلفل احمر + ملح + بهارات مخلوطة + كركم+ ليمون يابس مقطع كمون بودرة و ملح . ونحط البطاط المقلي ونخلطه ونخليه شوي يتسبك شوفوا الصور
…
وطبعا بعد ما خلصنا الحشو أنحطة في جدر العيش مع الدياي
وأخيرا وليس أخرا أهنيه يوم غرفت الصحن أتمنى يعجبكم غداي وبالهني والعافيه
::
::
تسلم إيـــــــــــدج
وتسلمين على الطبخه الحلوه